Útlitshyggja, kynjahyggja, aldurshyggja, nýyrði

Í enskunni er til hið breiða hugtak "sexism", sem hingað til hefur ekki verið þýtt af öllum, en hugtakið kynjahyggja er góð þýðing á því orði, og nýyrði. "Ageism" er svo hægt að þýða með orðinu aldurshyggja, en að hafa fitufordóma eða þannig fordóma má kalla útlitshyggju, nema það er einföldun, eða öllu heldur hugtak sem nær yfir mjög vítt svið, en passar samt í þessu sambandi.

 

Ég var að hlusta á lagið "Clean Cut Kid" með Bob Dylan frá 1985 og ég fór að hugleiða hvort heldur væri hægt að flokka Bob Dylan sem kynjahyggjumann eða andrasista, og lögin hans þar sem hann dregur taum ofsóttra blökkumanna í Bandaríkjunum sem voru karlkyns, yfirleitt. Ég komst að því að afstöðu hans mætti flokka sem kynjahyggju, að standa með sínu eigin kyni burtséð frá kynþætti. Kynþáttahyggja og kynjahyggja eru skyld fyrirbæri eins og mjög margir viðurkenna, næstum því það sama.

 

Við Íslendingar eigum orðið karlremba, en á ensku er það orð oft þýtt sem sexism, sem nær yfir rembu beggja kynjanna, kvenrembuna og karlrembuna. Metoostefnan er mjög augljóslega sexism, eða kynjahyggja, dregur taum kvenkynsins augljóslega.

 

Til eru skynsamir femínistar af báðum kynjum sem viðurkenna þetta og veigra sér því við að kalla sig femínista eða metoosinna, en vilja gjarnan kalla sig umhverfisverndarsinna.