Áhyggjur vakna af því að fólk sé alvarlega veikt af kófinu þótt farsóttin sé sögð á niðurleið

Stutt en áhugaverð frétt. Tveir menn á gjörgæzlu út af Covid-19 en Landspítalinn veitir ekki upplýsingar um hvort þeir hafi verið bólusettir. Grunur vaknar um að þeir séu bólusettir, úr því að upplýsingar eru ekki veittar um það. 

 

Ef þessir menn voru ekki bólusettir er það í samræmi við fullyrðingar um að bóluefnin dragi úr einkennum. Ef þeir hinsvegar voru bólusettir vekur það upp margar og stórar spurningar.

 

Bezt er að bíða með frekari vangaveltur þar til upplýsingar um þetta verða skýrari. Þetta skiptir miklu máli. Duga bóluefnin eða ekki?

Tveir á gjörgæslu með veiruna

Athugasemdir

[Magnús Sigurðsson, 17.9.2021 kl. 16:53]

Sæll Ingólfur, getur þú sagt mér hvenær menn eru bólusettir?

Ég man ekki betur en að fljótlega, -eftir að það kom í ljós að bóluefnin virkuðu ekki sem smitvörn, -hafi verið hætt að telja þá sem sprautaðir voru með Janssen bólusetta. 

En veistu hvernig það er núna, -þegar búið er að boða fólk í "örvun", -telst það þá bólusett ef það mætir ekki í örvunarsprautuna?

[Ásgrímur Hartmannsson, 17.9.2021 kl. 17:20]

Margir hafa tekið eftir óeðlilega hárri dánartíðni eftir bólusetningarnar:

https://americasfrontlinedoctors.org/frontlinenews/abrupt-increased-covid-19-death-rates-in-israel-since-march-2021/
https://swprs.org/wp-content/uploads/2021/06/israel-20-29-deaths-increase-petrou-768x553.jpg
https://www.usmortality.com/excess
https://hagstofa.is/utgafur/tilraunatolfraedi/danir-tt/
https://brandnewtube.com/watch/thecrowhouse-funeral-director-blows-the-whistle_1gkYA7jx7I7FVSS.html

Heimildir, bara til þess að hræða ykkur.

[Guðmundur Ásgeirsson, 17.9.2021 kl. 19:58]

Eftir að "bólusetningar" hófust hafa tvöfalt fleiri "bólusettir" látist vegna covid heldur en óbólusettir.

Jafnframt hafa fleiri látist eftir "bólusetningu" heldur en hafa látist vegna covid frá upphafi faraldursins.

[Ingólfur Sigurðsson, 17.9.2021 kl. 21:46]

Sæll Magnús. Veiztu, þú ert að vekja athygli mína á einhverju sem ég vissi ekki og kemur mér á óvart. Segja má í ljósi upplýsinga þinna um að nú sé vitleysan búin að keyra um þverbak, þegar Janssen bólusettir séu ekki taldir með. Er þá óreiðustigið orðið hátt, og hélt maður að varla væri hægt að bæta við óreiðuna í þessu.

Gott og vel, ég játa mig sigraðan með mína orðræðu byggða á fréttaefni, en vísa þessu alfarið til Þórólfs. Hann verður þá að svara því hvenær menn teljast bólusettir og hvenær ekki, en skal ég hér með taka það til greina, að þegar ég er að lepja eitthvað eftir fréttamönnum getur verið hæpið að treysta því.

Beztu kveðjur og takk fyrir athugasemdina.

[Ingólfur Sigurðsson, 17.9.2021 kl. 21:51]

Sæll Ásgrímur. Ég fletti upp nokkrum af þessum tenglum og þeir eru áhugaverðir fyrir þá sem vilja vita meira.

Ég ætla nú ekki að fullyrða að sinni hvernig eigi að túlka þetta nákvæmlega, en vísa í þá samsæriskenningu sem ég hef kynnt mér á erlendum vefsíðum að þetta sé til að fækka mannfólkinu, og kannski ákveðnum útvöldum, pólitískum andstæðingum fjölmenningarelítunnar. Það passar við tölfræðina en verður seint eða aldrei sannað. Menn ættu ekki að þurfa að skammast sín fyrir að taka mark á samsæriskenningum í heimi þar sem vísindaþekkingin er svona mikil og hægt að gera það sem áður var fjallað um í vísindaskáldsögum.

[Ingólfur Sigurðsson, 17.9.2021 kl. 21:54]

Sæll Guðmundur. Þetta er nokkuð sem þarf að spyrja sóttvarnaryfirvöld um og athuga hvort það fólk gengst við þessu eða smýgur undan þessu með flóknum útúrsnúningi.

Takk fyrir það félagar að þið eruð ekki sofnaðir á verðinum. Hver sem sannleikurinn er, hann kemur ekki í ljós nema menn séu gagnrýnir og tilbúnir að andmæla því sem haldið er fram.

[Magnús Sigurðsson, 18.9.2021 kl. 06:35]

Það eru fleiri boðaðir í "örvun" en þeir sem fengu Janssen, jafnvel þeir sem eru tvísprautaðir.

Því þyrfti að taka af allan vafa um hverjir teljast bólusettir.

[Ingólfur Sigurðsson, 18.9.2021 kl. 07:44]

Já, hann var kominn með eitthvað nýyrði fyrir þennan þriðja skammt sem ég man ekki hvað var. Kannski var það uppbótarskammtur eða eitthvað slíkt. Sennilega að reyna að fela hversu óvenjulegt þetta ferli er orðið.

Kári, Þórólfur og Alma, þau þurfa að fjalla um það af hreinskilni að margt hefur verið óvenjulegt í þessu, og ég tek undir það, taka af vafa hverjir eru bólusettir.