Trúverðugt er það fólk sem varar við

Á Hringbraut í gær varð ég var við mikið andvaraleysi fréttafólksins frá Fréttablaðinu. Karlmaðurinn lýsti því að hann og aðrir sem fengu þriðju "örvunar"sprautuna hafi orðið virkilega veik af þessari aukasprautu, en tók það fram að hann væri fílhraustur og yrði lítið veikur af öllum pestum, flensum og öðru fyrir utan veikindin af þessari sprautu.

Svo var talað um bólusetningar barna eins og léttvægt mál í kjölfarið.

Af hverju leggur fólk ekki saman tvo og tvo lengur?

 

Er nauðsynlegt að bólusetja börn ef þau veikjast lítið sem ekkert af veirunni?

Ekki finnst mér það sannfærandi að allt sé með felldu þegar börnin þiggja bólusetningar án þess að efast.

Þegar fréttin lýsir áhuga barna á bólusetningum er það auðvitað staðreynd að börn eru saklaus í anda nema þeim sé kennt annað.

Það er svo margt í þessu sem vekur grunsemdir um að eitthvað undarlegt sé á seyði á heimsvísu, bæði með bólusetningarherferðirnar og veiruna svonefndu (sem kannski er engin veira, ef ég á að trúa þeim sem halda því fram að eitthvað annað sé á ferðinni).

 

Ég man nú þegar Þórólfur talaði um að ekki væri nauðsynlegt að bólusetja börnin. Ég hef haft það sterklega á tilfinningunni í gegnum allan þennan faraldur að hann taki við skipunum. Það finnst mér ekki traustvekjandi, og foreldrar ættu að athuga að nú er því haldið fram að þessar bólusetningar barna eiga að valda hjarðónæmi, sem Þórólfur þó hefur sagt að geti ekki myndazt með bólusetningum. Þversagnirnar og andstæð skilaboð þeirra sem völdin hafa eru þannig að það eitt og sér ætti að gera fólk tortryggið.

 

Ég hef bara ekki 100% sannfæringu í þessu máli að bólusetningarnar séu skaðlegar, en til helmings er ég tortrygginn á bólusetningar að minnsta kosti og því finnst mér rangt að bólusetja börn, fyrst auk þess er sannað að eiginlega ekkert barn veikist þannig að líftjón sé talið stafa af þeim veikindum, nema kannski í fjölmennari löndum þar sem börnin eru enn fjölbreytilegri erfðafræðilega.

 

Svo þetta með ófrjósemi kvenna og jafnvel karla finnst mér gríðarlega ógnvekjandi, og slík dæmi hafa verið staðfest samkvæmt því sem ég hef lesið í öðrum svona bloggum.

Að bólusetja ungt fólk og börn getur þess vegna verið gríðarlegur ábyrgðarhlutur og ég hallast að því að Guðjón Elías og fleiri geti haft rétt fyrir sér í því að það sé glæpsamlegt.

 

80% þátttaka grandalausra og grunlausra barna í einhverju sem ekki er nauðsynlegt og kannski skaðlegt? Er það ekki áhyggjuefni? Annars segi ég þetta: Ég veit ekki hverju ég á að trúa, en af öllum hópum sem ætti að bólusetja finnst mér sennilegast það sem fyrst var sagt að sízt hefðu börnin þörf fyrir þetta.

Ég vil ekki ýta undir eitthvað sem er rangt, en svona fréttir vekja blendin viðbrögð. Fullorðið fólk á ekki að hlýða eins og sauðir, það hefur skynsemi til að efast og líka fyrir hönd barna sinna, því síður gera börnin það ótilkvödd. Auðvitað er góð þátttaka barna í þessu ef þeim er sagt að þetta sé allt í lagi. 

Bólusetningar barna gengið vonum framar