Svar við skoðunum Þórðar Snæs Júlíussonar Kjarnakóngs í DV.

Þórður Snær Júlíusson er vinsælt fjölmiðlaandlit með réttar skoðanir fyrir alþjóðavæddu poppfjölmiðlana, og DV segir frá nýjustu skotunum hans á Bjarna Benediktsson.

 

Þórður snær segir að frelsi sjálfstæðismanna nái ekki yfir frelsi fólks til að skaða sig sjálft, til dæmis með fíkniefnaneyzlu, og þar til viðmiðunar er afglæpavæðingarfrumvarpið á neyzluskömmtum fíkniefna.

 

Hitt dæmið sem hann notar er um "frelsi kvenna sem vilja ráða yfir eigin líkama", þessi hundfúla klisja og ósanna. Átta þingmenn Sjálfstæðisflokksins kusu gegn þeirri óhæfu, sem betur fer, og þar á meðal Bjarni Benediktsson, honum til hróss.

 

Síðan talar hann um ójafnvægi innan kosningakerfisins og þar er enn ein klisjan á ferðinni.

 

Svo talar hann um að fjölmiðlafrelsi hafi hrunið vegna sjálfstæðismanna, að Ísland hafi farið úr 8. sæti í 16. sæti á lista samtakanna Blaðamenn án landamæra.

 

Mér virðist sem öll þessi dæmi séu fölsk áróðursdæmi, því ástæður eru fyrir öllu þessu sem hann tiltekur og hann er sízt hlutlaus maður í þessu máli.

 

Hefur hann heyrt hugtakið "samvizkufrelsi"? Frelsi til að taka ákvarðanir á grundvelli samvizku sinnar? Af hverju er það ekki frelsi að hafa aðrar skoðanir en vinstrisinnaðir öfgafemínistar á ýmsum málum? Er hann svo innmúraður í pólitískan "rétttrúnað" að hann telji það ekki frelsi að víkja frá hörðu jafnaðarlínunni?

 

Í sambandið við þessi samtök "Blaðamenn án landamæra" þá veit ég ekki hversu marktæk þau eru eða æskileg sem rétt viðmið. Samkvæmt því sem ég hef fundið um þau samtök þá eru þetta lærisveinar George Soros, þetta er vinstrisinnað lið sem þefar uppi æsifréttir og trúboð þess er alþjóðavæðingin.

 

Ástæðan fyrir misjöfnu vægi atkvæða er auðvitað fjölmennið á Stórreykjavíkursvæðinu. Ástæðan fyrir því að kommarnir vilja jafnt vægi atkvæða er að þá fá þeir fleiri atkvæði. Heilaþvottastöð Dags B. Eggertssonar er á fullu í Reykjavík en aflminni í dreifðum byggðum landsins. Fólkið úti á landi vill hafa tiltöluleg áhrif á sína heimabyggð, skiljanlega. Ég treysti þeim betur en sauðum Dags B. Eggertssonar.

 

Til að ráða yfir eigin líkama þarf maður að ráða yfir eigin huga, sem vinstrimenn gera ekki, og raunar langfæstir. Britney Spears er á réttri leið með það að ná framúrskarandi árangri í þessum efnum, hún hefur birt af sér nýjar myndir án líkamsskrauts og þar sem skynsamleg ummæli hennar benda í þá átt einnig. Vinstrimenn og fóstureyðingarsinnar eru andsetnir. Til að ráða yfir eigin líkama er algert grundvallaratriði að losna við slíka andsetningu, það segir sig sjálft. Þú ræður aldrei yfir eigin líkama ef þú ræður ekki yfir eigin huga og vilja.

 

Svo er það þetta frelsi til að fá að skaða sig sjálfur sem Þórður Snær Júlíusson mærir. Þarna vil ég enn minna á samvizkufrelsið. Frelsi til að vera ósammála vinstrimönnum, samvizkunnar vegna.

 

Fíklar og aðrir sem skaða sjálfa sig gera það einnig vegna andsetningar. Svo einfalt er nú það. Frelsi til að losna undan böli og sjúkdómum finnst mér vega þyngra en frelsi til að vera kúgaður og beittur ofbeldi af mafíu alþjóðavæðingarinnar.