Táknfræði atburða ársins 2021

Leðurblökur hafa sérstaka merkingu í trúarbragðalegu tilliti sem tákn um kvalastaðinn, og sömuleiðis eldgos, brennisteinn fylgir þeim, sem einnig tengdur er við kvalastaðinn, og svo hraunið, sem kallað var eldur, samkvæmt fornri hefð.

Á miðöldum - sem voru kannski skárri en talið er að einhverju leyti - var endatímunum spáð og Helvíti lýst sem "eldi og brennisteini". Einnig var algengt á þeim tímum að tengja leðurblökur við Helvíti, og í ritum sumsstaðar nefndir "sviðnir fuglar" eins og í Sólarljóðum, sem talin eru kristileg spádómsljóð eða leiðslukvæði með heiðnu ívafi.

Samkvæmt Nýalsspekinni er Helvíti hnöttur með bundinn möndulsnúning þar sem önnur hlið hnattarins snýr alltaf frá sólu en hin hliðin að sólinni. Þannig má með náttúrufræðilegum hætti lýsa þessu sem í kristilegum fræðum og spíritískum fræðum er lýst með óljósum spádómsorðum og eftir innblæstri og leiðslu. Ekki kannski tilviljun að svo mörgum andatrúarritum ber saman í þessum lýsingum. Á sambandsfundum Nýalssinna hefur það einnig margsinnis gerzt að fólk hefur talað í gegnum sambandsmiðla og lýst aðstæðum sínum á þessum hræðilegu hnöttum þar sem það tekur út refsingar fyrir fyrri líf sín, en einnig hefur komið fólk frá Himnaríki, frá hnöttum þar sem spillilíf er horfið, sýklar og óárán og þar sem fólkið er gott, óeigingjarnt, elskar náungann og sjálft sig, virðir sig og allt er í fínu lagi.

Leðurblökur, eldgos, jarðskjálftar, fólk sem komið er eiginlega eins langt frá Biblíunni og mögulegt er, viðvörunum þar, Mósebókunum, jörðin sjálf brennandi af mannavöldum, allt bendir þetta í eina átt: Mannkynið hefur breyzt í vítismannkyn og mannkynið hefur gert jörðina að helvíti. Merkilegur árangur það!

Annars leit dr. Helgi Pjeturss á sig sem spámann og frelsara mannkynsins. Hann skrifaði að ef orðum hans yrði ekki trúað og ef á hann yrði ekki trúað myndi helstefnan sigra.

Minnimáttarkennd okkar Íslendinga er of mikil, slíkir menn fá ekki fylgi sem eru á heimsmælikvarða, spámenn á heimsmælikvarða eins og dr. Helgi Pjeturss.

Hann talaði og skrifaði fyrir daufum eyrum allt sitt líf, gaf út fjölmargar bækur og eignaðist aðdáendahóp, en hann var álitinn furðufugl af stórum hluta Íslendinga.

Þarna er munurinn á austrænum og norrænum þjóðum. Austrænar þjóðir gera sér mat úr mikilmennum sínum en norrænar þjóðir gera lítið fyrir sín mikilmenni.

Það er alveg ljóst að það er sök mannkynsins hvernig komið er, hvort sem við köllum það syndir, heimsku eða hamfarahlýnun.

Er það tilviljun að leðurblökur gegna stóru hlutverki í Covid-19 leikritinu, þær sem á miðöldum voru eitt tákn kvalastaðarins? Svo er það "menningin" á jörðinni, eða ómenningin, helstefnumenningin.

Mannréttindahreyfingin, sem hægt er að nota sem hugtak yfir allt sem er uppreisn gegn Guði, hefur breyzt í heimstrúarbrögð, hverjum er fylgt í flestum vestrænum ríkjum, og þau heimstrúarbrögð síast jafnvel inn hjá öllum öðrum þjóðum, rétt eins og mengunin, plastið sem fyllir allar strendur, eiturefnin sem fara í jörð, sjó og loft allsstaðar. Vitfirrt mannkyn myndu sumir segja.

Sjálf jörðin hefur breyzt, náttúran, umhverfið.

 

Hvaða fólk er gert að leiðtogum í menningunni, tónlist þó aðallega? Fólk sem leiðir í kviksyndi. Fólkið sem fyllir almenning af púkum er hyllt sem stórhetjur eða eitthvað slíkt. Hvaða fólk fær enga athygli eða neikvæða athygli? Fólkið sem vissulega getur hjálpað.

 

Það að táknfræði skuli rætast ætti að kenna almenningi að trúarbrögð snúast ekki um þrælsótta heldur þekkingu, að læra af þeim sem vilja hjálpa.