Spakleg orð frá snjöllum þýðanda og heimspekingi um kófið og fleira.

Merkileg bloggsíða eftir einhvern Mason, en mig grunar að hann heiti Magnús, því á vefslóðinni stendur maggimur. Allavega er þarna fullt af gullkornum, andlegri speki aðallega, en eitthvað veraldlegt. Þar sem hann fjallar um farsóttina er margt gott. Svo vel orðað að maður getur ekki gert betur sjálfur. Til dæmis þetta:

 

"Misvísandi upplýsingar úr ritstýrðum fjölmiðlum virðast komnar á sjálfstýringu".

..."Lagt upp í krossferð við að fá allan heiminn sprautaðan með sjálfsafritandi segulrönd, ígrafin húðuðum hugbúnaði... sem kallast bóluefni!"

"Með því að beita blekkingum, ógn, heilaþvotti og lýðskrumi, sem aðferð við stjórnun, hefur verið valdið eyðileggingu á tilfinningalegum, líkamlegum og sálrænum gildum mannkyns. Vitskertri veröld samfélagsmiðla er komið á með því að loka milljarða manna einmana af... í skiptum fyrir raunverulegt líf."

"Heimurinn dansar nú limbó í forgarði helvítis. Hagkerfin eru í molum. Rétt er orðið rangt og uppi er niðri... Valdagráðug elíta sé að nota ringulreiðina... "The Great Reset" muni eiga sér stað eftir Covid-19.

Eru þeir þá ekki einnig að gera okkur tilbúin fyrir afnám áunninna mannréttinda með fleiri neyðarlögum?"

Neðst stendur:Endursögn úr Cycles of Time eftir Elva Thompson.

 

Svo er þarna farið út í breytingar á segulsviði jarðarinnar og allskonar hamfarir sem höfundurinn telur framundan og varar við. Ekki endurtek ég það allt. Nokkur gullkorn nægja sem hitta í mark.

 

Merkilegt er að höfundur sem mest skrifar um frið, andlega speki og dulhyggju sé svo  berorður um ástand heimsmála. Þetta er einmitt það sem við þurfum, sannleikurinn hreinn og ómengaður, engar blekkingar. Að vísu er greinilegt að höfundurinn hefur þetta úr erlendum spekiritum, en það er ekkert verra fyrir því.

Burtséð frá öllum setningum sem hægt er að túlka samsæriskenningar eru þarna setningar sem eru fullkomlega skýrar og ljóslifandi lýsingar á því sem fólk er að upplifa, og betur orðað en "kötturinn í kringum heita grautinn" á RÚV og víðast hvar.

Ég hefði haldið að vandaðir fréttaskýringaþættir yrðu gerðir á íslenzku í RÚV um þessa merkilegu tíma sem við lifum, eða erlendir þættir sýndir. Nei, mest er um endursýningar og siðræna innrætingu á sömu fjölmenningarklisjunum. Ég held að starfsfólkið á RÚV og annarsstaðar verði að átta sig á því að langflest fólk er búið að ákveða sig hvar það stendur í pólitíkinni. 

Hvernig væri að endursýna Derrick þættina, Ráðgátuþættina, Star Trek þættina eða eitthvað slíkt sígilt sjónvarpsefni frá liðnum áratugum? Margir yrðu spenntir að kynnast því í fyrsta sinn eða annað eða þriðja sinn.

Athugasemdir

[Loncexter, 23.7.2021 kl. 16:16]

Það er eins og að rúv hafi verið fjarstýrt af ísrael í áratugi.

[Haukur Árnason, 23.7.2021 kl. 16:51]

 Jamm, Maggi er góður.

"Hringja í spírals tímans er víða getið í heimsbókmenntunum. Prédikarinn 1-9 Það, sem hefur verið, það mun verða, það, sem gerst hefur, það mun gerast og ekkert er nýtt undir sólinni.

Allar líkamlegar birtingarmyndir frá minnstu lífveru til hæsta fjalls, stjarna, sólar og vetrarbrauta fara í gegnum hringrás sköpunar - eyðileggingu og endurnýjun. Sumir viðburðir taka hundruð eða árþúsund að ljúka. Aðrir eru stuttar hringrásir eins og líf flóarinnar Dolania americana sem fæðast, fjölgar sér og deyr, -allt á innan við fimm mínútum.

Svo eru það hringrásir viðburða innan viðburðar ... brotamynstur sköpunar frá stærstu til smæstu og það er eitt sem við getum verið viss um ... stjarnfræðilegir viðburðir eru í endurtekningu hringrása.

Rafsegulmögnun eða pólskipti? Hægt er að greina sögulegar heimildir um rafsegulbreytingar og pólskipti. Segulskautsbreytingar eru drifkraftur loftslags og gerist á 12.500 ára fresti. Tólf þúsund og fimm hundruð ár eru nú að baki. Það eru þá pólskipti að að eiga sér stað núna. Fyrir vikið eru orkustraumar okkar í ringulreið um leið og sviðsstyrkur segulhvolfsins minnkar.

„Ef þú vilt finna leyndarmál alheimsins, hugsaðu það út frá orku, tíðni og titringi.“ ~ Nikola Tesla"

[Guðmundur Ásgeirsson, 23.7.2021 kl. 21:57]

Hvað er "The Great Reset" ?

[Ingólfur Sigurðsson, 23.7.2021 kl. 23:47]

Great Reset er það sem er að gerast núna. Við vitum að lyfjafyrirtæki græða á þessu ástandi, og kannski verða afleiðingarnar enn verri - eða skárri... Við vitum alla vega að þessir atburðir eru frekar óvenjulegir miðað við okkar reynslu - síðastliðna áratugi. Er ekki nóg að segja að Great Reset sé það? 

Ef ekki eru samsærisöfl og myrkravöld á bak við þessa atburði eru engin samsæri til.

Svo er annað, myrkraverk á stórum skala eru aldrei viðurkennd. Samsæri eru frekar raunveruleg ef ekki er hægt að sanna þau, en hafa grun um þau.

Ef allt væri augljóst í þessu hefði enginn áhuga á myrkraverkum á bakvið tjöldin. 

Nýtt svar í hver sinn sem spurt er, því þetta hefur margar hliðar. Það sem er hulið skapar sögur og útskýringar.

Menn geta tengt Great Reset við hvað sem þá lystir, trúarbrögð eða hvað sem þeim er illa við. Grunur um vélabrögð. Við lifum á skrýtnum tímum sem þarfnast útskýringa.

[Guðmundur Ásgeirsson, 24.7.2021 kl. 00:11]

"Great Reset er það sem er að gerast núna."

Þetta er mjög óljóst. Að henda fram svona óskilgreindu hugtaki sem einhverskonar skýringu á einhverju er eins og að segja "9/11 was an inside job" sem er kjánaleg einföldun á miklu flóknari atburðarás sem teygir anga sína mun víðar. Svo getur ekki allt sem á sér stað í heiminum verið liður í einni og sömmu áætluninni, raunveruleikinn er alltaf flóknari en það. Hvað nákvæmlega er að gerast núna sem fellur undir þetta hugtak sem virðist vísa til einhverrar meintrar áætlunar, hver er tilgangurinn eða markmiðið með henni og hvernig á að ná því?

[Ingólfur Sigurðsson, 24.7.2021 kl. 00:40]

Sá sem ekki veit getur ekki gefið nákvæmar upplýsingar, sá sem ekki fremur verknaðinn. Sá sem fylgist með þessu verður að geta sér til og trúa eða trúa ekki bæði því sem opinberir aðilar segja og svo hinu sem hægt er að lesa frá allskonar fólki eða heyra sagt. 

 

Já Guðmundur, það er alveg rétt að þetta er kjánaleg einföldun og staðhæfing byggð á grunsemdum.

 

Það rifjast upp hvað Kári Stefánsson sagði í viðtali fyrir einhverjum mánuðum. Þá var hann spurður að því hvort eitthvað kæmi honum á óvart við Covid-19.

 

Hann svaraði að ekkert kæmi sér á óvart við veiruna NEMA AÐ ÞAÐ KÆMI HONUM Á ÓVART HVAÐ MENN GETA VERIÐ FÆRIR UM AÐ GERA.

 

Það væri áhugavert að finna þetta viðtal við hann sem ég held að hafi verið á RÚV, en þau eru nú svo mörg, en þetta var það sem hann sagði nokkurn veginn. Ég fór að íhuga þetta löngu síðar eftir að staðfest var nokkurnveginn að veiran væri manngerð.

 

Þessi orð hans má túlka þannig að hann hafi vitað meira en hann viðurkenndi, að hann hafi sagt það undir rós að veiran væri manngerð, en samt neitað því opinberlega á sama tíma. Sem starfsmaður Amgen og maður sem þekkir fólk erlendis í þessu veit hann meira en margir, en verður að gæta orða sinna og stöðu sinnar. Það gerir hann vissulega, en hann hefur samvizku og samvizkubit, og þess vegna gloprar hann þessu útúr sér, óljósri setningu sem túlka má á ýmsan veg. Ef hann væri spurður að þessu gæti hann útskýrt þessi orð sín allt öðruvísi, að hann hafi meint eitthvað allt annað.

 

Já, raunveruleikinn er alltaf flóknari en skýringar og kenningar sem eiga að útskýra hann, ég er sammála því.

 

Ég á erfitt með að útskýra það sem ég ekki veit nákvæmlega um, en þú hefur áhuga á þessu eins og ég, sem mér finnst virðingarvert.

 

Það er eins og flestir eða allir hafi óljósar hugmyndir og útskýri þetta á mismunandi hátt.

 

Ég get bent á nokkur sameiginleg atriði sem ég finn hjá flestum sem ég hef lesið eftir:

 

Áætlunin eða atburðarásin gerist í kringum Covid-19.

 

Margir tala um að Bill Gates hafi tjáð sig um það að það þurfi að fækka fólki á jörðinni.

 

Bill Gates er oft nefndur á nafn, en ég hef yfirleitt ekki þolinmæði til að lesa langa doðranta eða mjög langar netgreinar, en þetta er sennilegt.

 

Margir hafa nefnt að eftir miklar svona ímyndaðar eða raunverulegar veiruárásir muni herinn taka völdum í einhverju landi eftir fjöldaóeirðir sem muni eiga sér stað, árásir svangra einstaklinga og sveltandi á þá sem eiga mat eða búðir eða slíkt. Þetta er þekkt í Bandaríkjunum og þessum stóru þjóðfélögum að getur gerzt eftir hörmulega atburði. Þegar menn spá einhverju svona er það ekki utan við mörk þess sem getur gerzt.

 

Svo spá menn því að herstjórn geti tekið við, í Bandaríkjunum, neyðarlög verði sett og enn frekari hömlur og þvinganir á fólk.

 

Margt af þessu er augljós hræðsluáróður og maður veit ekkert hvað gerist. En við vitum það öll að þetta er ekki utan við mörk þess mögulega.

 

Ég verð samt að segja það að ég trúi yfirleitt engu 100%.

 

Samt, er það trúverðugt sem yfirvöldin segja, að allt sé í lagi, ekki spilling, ekki eitthvað gruggugt í gangi?

 

Ég get ekki svarað þessu nákvæmlega, en þetta sem ég hef talið upp gæti alveg komið fyrir.

[Guðmundur Ásgeirsson, 25.7.2021 kl. 16:47]

En hver er tilgangurinn og hvert er markmiðið?