Þórólfur segir fjórðu bylgjuna hafna og Kári Stefánsson vill harðari aðgerðir.

Samkvæmt frétt frá DV kemur þetta fram. Sennilegt er að stjórnvöld landsins grípi til einhverra lokunaraðgerða. Annars er eins og fæstir spyrji sig spurninga eða reiðist þótt veiran sé manngerð. Fólk rífst út af smáatriðum.

Ég verð þó að viðurkenna að samkvæmt fréttum frá Bretlandi og víðar virðist fólk veikjast minna. Það eru þó góðar fréttir. Samt skal athuga eitt sem ekki má gleymast í þessari umræðu. Íslenzkur fræðimaður sagði að veiran myndi veikjast með tímanum, þannig hefðu kvefpestirnar sennilega byrjað áður, og orðið vægari að lokum. Eðlilegt að sprautumeistararnir vilji hrósa sér af því að fólk þoli þetta betur, en málið er ekki búið. Við erum í miðju ferli, ekki er auðvelt að vita hvernig veiran breytir sér með tímanum og margt fleira.

Ekki kæmi mér það á óvart þótt farið verði eftir Kára Stefánssyni aftur.

Mesti fjöldi smita á árinu

Athugasemdir

[Guðmundur Ásgeirsson, 20.7.2021 kl. 17:22]

Harðar takmarkanir á bólusetta strax.

[Ásgrímur Hartmannsson, 20.7.2021 kl. 21:59]

Meinlausa afbrigðið er vissulega uggvænlegt.

[Ingólfur Sigurðsson, 20.7.2021 kl. 22:13]

Ég hló upphátt að athugasemd Guðmundar þannig að ég kann að meta þetta. Þórólfur er allavega ekki farinn að setja takmarkanir á enn.

[Guðmundur Ásgeirsson, 20.7.2021 kl. 23:08]

Öllu gríni fylgir nokkur alvara og í þessu tilviki gríðarleg.

Það er staðreynd að mestöll smit að undanförnu hafa greinst hjá bólusettum og þeir fáu óbólusettu sem greinast hafa undantekningalaust smitast af bólusettum.

Það er líka staðreynd að bólusettir ferðamenn eru að flytja veiruna inn um landamærin, á meðan óbólusettir þurfa að fara í tvöfalda skimun og sóttkví á milli.

Óbólusettir sem hafa í 17 mánuði eða lengur lagt mikið á sig til að smitast ekki og skapa þannig ekki smithættu fyrir aðra, hljóta nú að eiga kröfu til samfélagsins um vernd frá hinum bólusettu sem flytja inn veirur og ganga um sleikjandi hurðarhúna dreifandi smitum vegna þess að þau telja sig "örugg" (eins og yfirvöld lofuðu þeim ef þau myndu þiggja "bóluefni").

Til að vernda þá sem hafa hegðað sér á ábyrgan hátt og forðast bæði veiruna og erfðabreytingarefnin, þarf því að setja harðar takmarkanir á bólusetta strax.

Sóttvarnayfirvöld hljóta að vita þetta en enginn virðist þora að segja það upphátt að þvert gegn öllum áætlunum stafar mesta hættan núna af hinum bólusettu.

Þetta er allt að snúast upp í andhverfu sína, en svona eru einfaldlega staðreyndir málsins eins og staðan er í dag.