Er einhver smáflokkur andvígur ónauðsynlegum bólusetningum?

Í fyrra fyrir forsetakosningarnar í Ameríku var netið fullt af spennandi efni. Ég hlustaði á einræður á Youtuberás einnar brezkrar konur sem vöktu áhuga minn. Hún fjallaði um Great Reset og fleira. Nokkur atriði hafa ræzt sem hún spáði fyrir um en önnur ekki. Hún sagði að netið myndi leggjast af í nokkra daga og eftir það yrði Trump stuðningsfólki frjálst að tjá sig en lygar Bidens og demókrata teknar í burtu. Þetta fór alveg á hinn veginn raunar. Hún sagði að Great Reset myndi misheppnast - að ekki væri hægt að taka frjálsan vilja af fólki og að útkoman yrði sú að fleiri myndu verða andvígir alþjóðavæðingunni, lyfjafyrirtækjunum og þeim sem lofa öllu fögru. Hún reyndar trúði því að Trump myndi vinna, sem gerðist ekki, kannski með brögðum eins og hann segir sjálfur. Hún sagði líka að geimverur  væru að skipuleggja heimsyfirtöku, og notuðu til þess vinstrisinnað fólk til að hlýða sér. Þar kom einnig fram að stefnt væri að því að koma ígræðslum í fólk til að fá leyfi til að ferðast á milli landa og eiga í viðskiptum í framtíðinni.

Aðrar kenningar ganga útá að geimverur séu að breyta okkur í sig, gera jörðina að sælureit fyrir sig með því að breyta okkar tækni í sína tækni. Þessar bólusetningar eru þá að gera mannkynið að geimverum. Við þurfum flokka sem berjast fyrir meira andlegu frelsi þegnanna. Sannarlega ógnvekjandi, og gæti gerzt.  Stefnt væri að aukinni stéttskiptingu, sterkara yfirvaldi og valdalausari almenningi. Margt af þessu má taka undir.

Sífellt berast fréttir um að bólusettir greinist veikir af Covid-19. Nú eru kosningar í haust og spurning vaknar um þessa flokka. Ekki heyrist í neinum flokki á Alþingi sem er andvígur þessari bólusetningaherferð, en hvað með smáflokkana þrjá til hægri, Íslenzku þjóðfylkinguna, Frelsisflokkinn og Lýðræðisflokk Guðmundar Franklíns?

Það eru margir farnir að átta sig á því að hér var stjórnað að ofan, og erlendis frá með boðvaldi, gerræðislegar athafnir, kannski nauðsynlegar og kannski ekki.

Ég held að það segi sig sjálft að það myndu frekar vera hægrimenn sem myndu tala um þetta á þennan hátt opinberlega, til dæmis á Alþingi. Enda gerðu tveir þingmenn Sjálfstæðisflokksins þau Sigríður Andersen og Brynjar Níelsson.

Þrátt fyrir að búið sé að bólusetja 90% Íslendinga er málið ekki búið. Enn eru menn að tala um aukaverkanir og enn veikist bólusett fólk af Covid-19.

Kannski hafði þessi kona rétt fyrir sér, og fjölmargir sem hafa aðrar skoðanir en opinber yfirvöld í þessu máli.

Líklega smitast innanlands af ferðamönnum