Sóttvarnaraðgerðir sigra hræðsluna við fasismann

Loksins þegar um sóttvarnarmál er að ræða tala jafnaðarmenn og vinstrimenn um nauðsyn þess að gæta að landamærum. Ekki er tilefnið gleðilegt, en að sjá þetta samhengi, vinstrimenn og landamæravarzla, það er merkilegt. "Öll þessi mál tengjast landamærunum" eru orð Svandísar sjálfrar. Þetta er vissulega heldur seint, en gott er þegar hræðslan við fasismann er ekki öllu yfirsterkari.

Það er svo æpandi augljóst að næstum allir flokkar á vesturlöndum hafa misst sannfæringarkraft sinn fyrir langa löngu. Örfáir litlir flokkar hér á Íslandi eiga framtíðina: Frjálslyndi lýðræðisflokkurinn, sem Guðmundur Franklín er nýbúinn að stofna, Íslenzka þjóðfylkingin, Flokkur fólksins, Frelsisflokkurinn og Miðflokkurinn.

Önnur pólitík er úrelt. Flokkur fólksins mætti njóta þess að nú er stefna Ingu Sæland að verða viðurkennd. Of lengi er fólk tregt að kjósa breytingar og skilja breytta tíma. "The Times They Are-A Changing" söng Bob Dylan árið 1964, og sá boðskapur er augljós í dag einnig.

Það kaldhæðnilega er að þessir flokkar ná varla eða ekki að komast á þing en úrelta stefnan er vinsæl og fjöldans. Þegar allt eða næstum allt er um seinan er gripið til aðgerða.

Þessir flokkar sem snúast um raunverulegt sjálfstæði Íslands og endurreisn þess sem búið er að leggja í rúst munu vonandi komast til valda.

Það er ekki útlendingahatur að verja land og þjóð. Það er sjálfsagður réttur hverrar þjóðar og einstaklinganna.

Umhverfisráðherrann er frábær í þessari ríkisstjórn, hann hefur unnið þrekvirki í umhverfismálum, og í sumum málum eru Vinstri grænir afgerandi að gera gagn.

Þetta var samt nokkuð augljóst, og undarlegt að gera þetta þegar þessi smit hafa brotizt út.

Vonandi ná þessir flokkar allir inn á þing sem ég minntist á. Þeir eiga það skilið, að breyta stjórnmálum og þjóðlífi á Íslandi til góðs.

118 sóttkvíarbrot á borði lögreglu