Frétt í DV sem segir aðra sögu en opinberlega kemur fram um heimsfarsóttina.

Í DV kom nýlega frétt sem fjallar um að dauðsföllum hefur fjölgað með aukinni bólusetningu, þvert á það sem Þórólfur hér á Íslandi heldur fram og aðrir spekingar í þessum fræðum.

Fréttin hefur þessa yfirskrift:"Mikil aukning dauðsfalla af völdum Covid-19 í Bandaríkjunum".

Hér á blogginu eru nokkrir sem halda þessu fram, að þetta sé allt stórt samsæri, að bólusetningarnar séu hættulegri en veikin sjálf, sem sumir draga í efa að sé til, svo sem líka.

Ég hef líka lesið um þetta á erlendum spjallsíðum og öðrum fréttaveitum en ekki tekið mjög mikið mark á því, þetta er of ótrúlegt. Ég ætla ekki að leggja dóm á þetta, en Kristján Kristjánsson sem skrifar þessa frétt á DV hefur yfirleitt einhverjar heimildir fyrir fréttum sínum, en hann er af sumum talinn bullukollur og samsæriskenningasmiður, en kannski er það ekki rétt, kannski er hann bara svona athugull og vel upplýstur, sem vel getur verið frekar.

Mér finnst þetta vel þess virði að vekja á þessu athygli.