Hin raunverulega helför er jafnaðarstefnan sem unga fólkið trúir eins og nýju neti

Við erum að deyja út. Jónas frá Hriflu skrifaði í bókinni "Gamalt og gott", að allt sem væri gert á Íslandi yrði að vera til að efla og stækka íslenzka kynstofninn. Ég hef þetta ekki í gæsalöppum því þetta er ekki orðrétt tilvitnun, en samt rétta merkingin og setningin, og hugtakið "íslenzki kynstofninn" er frá honum komið, hann bjó það til og ég lærði það af honum og þessari bók hans. Sú hugsun verður aftur að verða ríkjandi, hún ein getur bjargað okkur. Það er það sem þessar tölur segja okkur, sem einstaklingar, kynstofn og þjóð. Eru nú fræðimenn orðnir svo lélegir að þeir kunni ekki að lesa í tölur eða leggja út af þeim?

Á bak við svona frétt og svona tölfræði er heill heimur og heil menning, og útrýming þjóða og þjóðfélagi, helför sannkölluð. Frjósemi þarf að vera 2.1 barn á hverja konu til að viðhalda mannfjölda, en er 1.72 nú og fer lækkandi. Augljóst hvað er að gerast.

Það er merkilegt að Þjóðverjar Þriðja Ríkisins voru sakfelldir fyrir glæp gegn mannkyninu. Samt fjölgaði Þjóðverjum mikið eftir seinni heimsstyrjöldina, "baby boom" kynslóðin og allt það. Ekki útrýmdu þeir Gyðingum heldur drápu með svívirðilegum hætti fjölmarga af þeim, en hefur vegur Gyðinga aukizt stöðugt eftir seinni heimsstyrjöldina og gæfusólin skinið á þá sem aldrei fyrr. Að ofsækja núverandi eða fyrrverandi nazista er því ekki aðeins smekklaust, tímaskekkja og rangt, heldur glæpsamlegt. Þeir geta hjálpað frekar en greyin meðvirku sem taka þátt í þjóðernishreinsunum með femínískum aðferðum og jafnaðarstefnunni.

Hvaða mannlífi er verið að lýsa á bakvið þessar tölur? Jú, menningu þar sem ástin er dáin eða í dauðateygjunum en þar sem hatrið hefur sigrað, hatrið á milli kynjanna, það er að segja, en sýndarástin á milli kynþáttanna, þykjustuástin, hræsnifulla ástin lafir ennþá, veldur skaða sem aldrei fyrr. Sýkt eru flest blómin í þessum garði og deyjandi, helstefna ríkjandi sannarleg. Það er ástin helvízka sem lifir, hverri er þröngvað uppá fólk með helvízkri alþjóðamenningunni sem hefur það eitt að markmiði að útrýma öllum.

Þetta mál er það eina mál sem er markvert fyrir mannkynið, en því er ekki sinnt þeim skyldi. Það sannar í eitt skipti fyrir öll erindisleysu hinna villuráfandi húmanista sem gráta yfir sérhverju mannréttindabroti, en útrýma sjálfum sér og öðrum með jafnaðarstefnu og femínisma.

Kvikmyndir og sjónvarpsefni frá Hollywood er þvílíkur sori að jafnvel þótt maður sé með slíkar stöðvar í heimi þar sem lítið er um aðra afþreyingu, þá tekur maður ekkert mark á því sjónvarpsþáttarusli lengur.

Í "Sonartorreki" eftir Egil Skallagrímsson standa þessar kröftugu línur sem geyma í sér sannleik allra alda og allrar mennsku:

"Því að ætt mín á enda stendur"... og er þetta einn helzti harmur mannskepnunnar, að geta ekki afkvæmi og þegar ættartrén eru af höggvin með einhverjum hætti. Með frekar mikilli léttúð er þetta afgreitt nú til dags, þetta er ekki talið aðalmál, og ættleiðingar taldar geta komið í staðinn fyrir eigin börn.

Ég tel að þetta sanni að meira en helmingur mannkynsins er dáleiddur eða andsettur, púkar tala í gegnum þetta fólk, það talar ekki af eigin rammleik, sál þess er dauð eða í dvala og svörin sem koma eru ekki þeirra svör heldur eigenda þeirra sem tala í gegnum það.

Að lífga þetta fólk við andlega er því maklegt og stórkostlegt verkefni sem þarf að sinna, að vekja sálir þessa fólks til lífsins.

Þegar búið er að telja ungum kynslóðum trú um eitthvað sem er þeim ekki sjálfum fyrir beztu, þá er illt í efni, þá hefur glæpur verið framinn mun stærri en sá sem einræðisherrar fyrri alda frömdu. Það andlega hefur nefnilega dýpri fótspor og meiri afleiðingar.

Jafnvel Sjálfstæðisflokkurinn hefur færzt frá upprunalegri stefnu sinni. Allt hefur þetta mjakazt að bjargbrúninni. Í mér er minni harmur en oft út af þessu, því mér finnst þjóðin hafa brugðizt mér, að ég skuli ekki hafa tekið við af Bubba Morthens sem vinsælasti tónlistarmaður og trúbador landsins. Það er auðvitað of seint núna að ætla að væla yfir því fyrir einn eða neinn, því ég er hættur í tónlist, hættur að reyna eitthvað sem ekkert gefur af sér.

Já, fólk fær það sem það á skilið. Kjósi það yfir sig jafnaðarmenn þá er afleiðingin þessi. Ég held að allir aríar þessarar jarðar séu geðveikir og gallaðir fyrir þær sakir. Þeir góðu og réttlátu hurfu, dóu um miðja síðustu öld. Eftir er aðeins ruslið.

Það er nú ekki meiri þjóðernishrokinn í mér en þetta, þessi þjóð er dauðadæmd, búin að vera. Það er aðeins raunsæi. Því sem maður getur ekki breytt verður maður að sætta sig við, en maður hlýtur að fjalla um það samt, þetta augljósa, það kemur fram í dagsljósið.

Fleiri börn og eldri mæður