Tilraunir á mönnum?

Þetta vesen og rugl með  AstraZenecabóluefnið sýnir svart á hvítu hversu pólitísk bóluefnainnkaup eru eins og svo margt annað. Okkar land er spillt í þá átt að taka við hvaða vitleysu sem er frá viðurkenndum birgjum okkar, evrópskum, frá Evrópusambandinu, en ekki Rússlandi, einsog Spútnik-5, sem hefur reynst miklu betur.

 

Öll menntaelítan er á sama hátt skekkt af pólitískri "rétthugsun" til vinstri, og Kári engin undantekning á þeirri reglu. Það er þetta sem troðið er inní börnin í skólunum, þannig að allt tal um vísindalega hlutlægni er útí hött og gagnslaust.

 

Femínismaáróðurinn er svo hámark þessarar pólitísku ítroðslu, en hann er alveg sambærilegur við kynþáttaáróðurinn fyrir 100 árum, sem nú er gagnrýndur og reynt að þurrka hann út af mörgum.

 

Þetta er svo mikið hneyksli, að fólk á vesturlöndum sé notað sem tilraunadýr, að það setur söguna í annað ljós, fólskuverk fortíðarinnar, glæpaverk, hvort sem þau eru gegn mannkyninu eða einstaklingum.

 

Þrátt fyrir yfirlýsingar er búið að ýta til hliðar þeirri meginskyldu að öll lyf eigi að vera fullprófuð þegar þau eru gefin mönnum.

Kári hefur fulla trú á AstraZeneca