Mannréttindin og ofuráherzlan á þau

Ég aðhyllist tvær meginskýringar á því hvers vegna úrkynjunin er svona mikil á Vesturlöndum. Önnur snýst um ofdekur og hin snýst um að geimverur noti okkur sem tilraunadýr. Það eru einungis framúrskarandi heimspekingar eins og Guðjón Hreinberg sem lýsa þessu rétt, eins og að menning okkar sé hrunin. Margir aðrir hafa grun um þetta en fara eins og köttur í kringum heitan grautinn.

 

Mengunin eykst sem aldrei fyrr, hvernig svo sem Íslendingar haga sér. Orkuþörfin eykst mest í fátæku löndunum sem eru að verða rík, og þar á sér mannfjölgunin stað.

 

Hvers vegna sér ekki almenningur í gegnum blekkingaþvæluna sem boðið er upp á í 99% af öllu menningarefni sem er á boðstólnum?

 

Okkur er sagt af misvitru fólki að við björgum heiminum með því að hugsa um mannréttindi og með því að útrýma fátækt. Ekkert er meiri lygi eða blekking. Með því stuðlum við að visthruni á sem skemmstum tíma og aukinni mengun, því fólkið sem kynnist lífsþægindum ríkra þjóða sleppir þeim ekki. Sama hversu fáir fæðast hér eða menga lítið, það breytir sáralitlu úr því að litli fingurinn var réttur hinum sveltandi þjóðum og þær tóku alla höndina.

 

Hvernig gengur svo góða fólkinu og vinstrisinnaða með uppáhaldsgæluverkefni sitt, sem er að útrýma vændi, ofbeldi, eiturlyfjum, feðraveldinu, mansali, ójöfnuði og öllu því?

 

Þær tölur hafa komið fram á heimsvísu sem sýna að mesti vöxturinn í efnahagskerfi heimsins felist í glæpum. Ég get ekki fundið hlekk á vefnum í þetta, enda er þetta eitthvað sem ég heyrði í fréttum fyrir nokkrum árum, en ég man þetta rétt, en heimildamaðurinn að fréttinni er óþekktur, og því þarf að rannsaka þetta betur. Mig minnir að einhver spekingur á RÚV hafi fjallað um þetta fyrir örfáum árum. Ef þetta er rétt sýnir það ósigur jafnaðarmanna og vinstrimanna ekki aðeins í einu máli heldur öllum.

 

Inní þessum tölum er þá auðvitað alþjóðavæðingin. Barátta Trumps gegn spænskum innflyjendum í Norður Ameríku er nátegnd baráttunni gegn fíkniefnum, sem mikið eru framleidd á þeim slóðum, það er að segja í Suður Ameríku. Femínisminn byggist á Satanisma, eða egóisma. Það kristallaðist vel í upphlaupi kirkjunnar í haust, Bafomet í gervi Krists og allt það.

 

Þegar Guðjón Hreinberg segir að menningin sé hrunin get ég heimfært það upp á þetta sem öllum ætti að vera ljóst.

 

Afi minn og amma kusu alltaf Sjálfstæðisflokkinn. Þau gengum mér í foreldrastað að mestu leyti. Afi minn varð 98 ára gamall og vann næstum alveg fram á síðasta dag, nema síðasta árið sem hann lifði. Hann vaknaði yfirleitt klukkan 7 á morgnana og fór á verkstæðið að vinna, en hvíldi sig jafnan eftir matinn til klukkan hálf tvö. Orkan í honum var ótrúleg, lífsgleðin og starfsþrekið.

 

Þetta fólk ólst upp við aðstæður sem femínistarnir reyna að útrýma. Þau voru látin vinna frá æsku. Í dag myndi þetta kallast barnaþrælkun.

 

Hvernig myndast eigingirnin og sjálfselskan, þetta böl sem einkennir svo nútímann? Ekki af aga foreldra eða skömmum þeirra í garð barna sinna í æsku eða hörðum aðstæðum, heldur þegar börnin hafa það of gott, eins og seinni kynslóðir, undir handarjaðri femínismans og mannréttindanna, húmanistanna.

 

Þessi stanzlausi og þrotlausi áróður í RÚV og víðar um húmanisma og mannréttindi er því ekki aðeins rangur heldur mannskemmandi, og eyðileggur uppeldi barnanna gjörsamlega. Ég hef dæmin úr minni fjölskyldu. Mamma og hennar systkini misstu eiginlega allt úr höndunum sem afi og amma byggðu upp, verkstæðið, ættaróðalið, helling af peningum... og miklu meiri sálræn vandamál hjá þessum ungu kynslóðum sem fá vorkunnsemi við hvert fótmál.

 

Frostaveturinn mikla fraus sjórinn í sveitinni hjá afa, 1918, sama ár og Spænska veikin drap stóran hluta mannkynsins og eitt fyrsta skrefið var stigið í sjálfstæðisbaráttunni.

 

Afi sagði mér frá því hvernig hægt var að ganga yfir fjörðinn, þarna í Árnessýslu frostaveturinn mikla, samkvæmt því sem honum hafði verið sagt, en hann var of ungur til að muna eftir því.

 

Hann sagði mér frá því hvernig fólkið varð að sofa þétt saman í kös til að halda á sér hita, og upp við kindurnar, eða vegginn þar sem eina eldavélin var í húsinu.

 

Svo dirfist fólk í dag til að tala þetta niður eins og það hafi verið eitthvað grín að alast upp við þessar aðstæður hér fyrr á öldum, eða að þetta fólk sem við erum komin af hafi verið einhverskonar skrælingjar, "að komast útúr torfkofunum" er setning sem er höfð um að þróast og verða merkilegri, en sannleikurinn er sá að þetta var aðeins sterkasta fólkið sem lifði af. Börn fæddust á hverju ári, en stöðugt dóu þau nýfædd, og ung, eða þá áður en þau náðu háum aldri.

 

Ég er alveg viss um það að betri, duglegri og auðmjúkari fullorðnir einstaklingar verða til úr hörðum aðstæðum í æsku, en latir, hrokafullir og gagnslausir einstaklingar verða til úr þeim allsnægtum sem stjórnendur RÚV og aðrir húmanistar telja hinar einu réttu uppeldisaðstæður.

 

Það verður að mótmæla þeim pólitíska rétttrúnaði sem birtist í mörgum myndum, en er rangtrúnaður pólitískur og ekkert annað.