Von er í myrkrinu

Atburðir síðustu ára ættu að sannfæra menn um að frjáls vilji er varla lengur til og að fólki er yfirleitt ekki sjálfrátt, ég nefni fáránlegar forsetakosningar sem dæmi í ár, þegar fólk þorði ekki að láta samvizkuna ráða og skynsemina, en kaus samkvæmt þrælsótta. Ég ætla ekki að setja út á verk Áslaugar Örnu eða annarra andsetlinga (sá sem er andsetinn, dáleiddur eða ekki með sjálfum sér) á þingi, svo augljóst er það mál allt. Almennt vil ég segja að frjáls vilji er varla til í þessum heimi okkar. Það er engin tilviljun að samsæriskenningum um þetta og svipuð mál fjölgar sífellt. Fólk hefur grun um þetta. Þetta er annað og meira en þvæla í andlega veiku fólki, einsog kerfisfólkið vill helzt halda fram, þarna býr veruleiki að baki sem er alveg jafn sannur og tré, blóm og jarðvegur eða önnur áþreifanleg efni.

 

Ótrúlega margt af því sem ég upplifði sumarið 1991 hefur ræzt, þegar ég upplifði "sumar í helvíti", og sá spásýnir um það hvernig framtíðin yrði. Fólki er stjórnað, og það er ekki með sjálfu sér. Geimverur eru að taka stjórn á jörðinni, og Trump er nokkurs konar engill sem sendur var til að bjarga mannkyninu frá yfirvofandi útrýmingu. Hann er vissulega breyzkur maður og stórgallaður, mannlegur er hann, en Jesús Kristur var líka mannlegur og gat reittðzt, eins og sumt í guðspjöllunum sýnir, eins og þegar hann reiddist fíkjutrénu fyrir að bera ekki ávöxt. Guð sendir okkur spámenn og frelsara sem eru mannlegir, og án Trumps hefði hryllilegur jafnaðarfasisminn orðið enn stækari á jörðinni, engum til góðs.

 

Það er upplýsingin sem getur bjargað, ég trúi því að Íslendingar séu skynsamir og gáfaðir innst inni þótt þeir kjósi heimskulega, og skelfilega vonda flokka yfirleitt. Jákvæðu fréttirnar eru þær að fólk er betur upplýst nú en nokkru sinni fyrr í mannkynssögunni. Það hlýtur að vera jákvætt. Það er ekki hægt að treysta krökkum og óþroskuðum gelgjum (gelgjur geta verið á öllum aldri, orðið vísar til andlegs atgervis) til að gegna ábyrgðarstöðum eins og cirkusinn í þessari nýjustu ríkisstjórn sýnir og sannar svart á hvítu.

 

Það eru skelfilega margir grunnhyggnir. Svo má ekki gleyma því að margir eru hræddir við hið erlenda vald, Evrópusambandið og þessa elítu sem er full af mannúðarhræsni og jafnaðarfasisma. Samt er ég viss um það að gríðarlegur fjöldi af fólki myndi skipta um vagn og kjósa skárri flokka um leið og öxulskipti yrðu í valdinu, ef í Evrópu kæmust til valda flokkar eins og Svíþjóðardemókratar, sem vilja bjarga sinni þjóð en ekki grafa hana í sand og ösku fortíðarinnar.