Stefnuvirkni drepsótta

Það er mjög merkilegt að þessi faraldur skuli leggjast verst á þá hópa sem eru dýrir fyrir samfélagið, það vekur grun um að þetta hafi verið búið til í tilraunastofum. Er ekki mögulegt að dýr séu notuð sem geymslur fyrir svona veirur, sem síðan gripið er til síðar? Þegar vísindamenn segja að ekki finnist merki um að veiran hafi verið búin til á tilraunastofum finnst mér það einmitt grunsamlegt. Það er alveg vitað að langflestir vísindamenn fá ekki vinnu eða laun nema þeir segi það sem valdaelítunni í heiminum hentar að þeir segi. Svo mikið er nú frelsi vísindamannanna í raun. Þessir örfáu sem fara gegn ríkjandi skoðunum eiga oft í mesta basli með að koma sínum niðurstöðum á framfæri, eða fá stuðning yfirleitt. Þessvegna er rétt að gjalda varhug við því sem vísindamenn segja opinberlega. Þó má segja að þríeykið okkar standi sig bærilega, miðað við að hafa ekki lokað Keflavíkurflugvelli í upphafi og takmarkað smitið þar.

Athugasemdir

[Þorsteinn Siglaugsson, 31.3.2020 kl. 21:30]

Allt sem gerist er vitanlega samsæri.

[Ingólfur Sigurðsson, 1.4.2020 kl. 16:09]

 Kannski ekki endilega, en þegar menn neita að ræða um möguleg samsæri, hvað þá? Allt sem hægt er að telja mögulegt hlýtur að geta gerst. 

Allar athugasemdir gleðja mig, hvort sem menn opinbera visku sína eða eitthvað annað. Þökk fyrir innleggið, Þorsteinn.