21.6.2025 | 02:09

Tvöföldun veiðigjalda er stór liður í að koma okkur í Evrópusambandið

Hætt er við að íslenzkir auðmenn flytji einfaldlega úr landi ef þeir sjá fram á tap í starfi.

Hvers vegna er ríkissjóður skuldsettur? Hvers vegna er dýrtíð á Íslandi svo fáránleg að túristum fækkar og segja hryllingssögur við vini sína og hryllingssögurnar koma í DV sem glansfréttir, þar sem allt er gert að fréttamat, hvort sem það eru sorglegar sögur, réttmætar eða hreinasta erkirugl og hatursáróður?

Er ekki dæmið einfalt? Er ekki heimtufrekjan orðin svo mikil í konum sem vilja jafnhá laun og karlar og svo öllum hinum hópunum sem áður voru hógværir, að verðlag er orðið geðveikt og klikkað og ekkert réttlætanlegt við það lengur?

Jú, þetta virðist blasa við.

Kommúnistarnir og jafnaðarmennirnir þola ekki lengur sjávarútvegsfyrirtæki eða aðrar greinar þar sem auður hefur safnazt fyrir. En það er sama hvernig fólk rembist eins og rjúpan við staurinn, það verður alltaf munur á stéttum, og jafnvel konum og körlum.

Þegar búið er að þurrausa helztu stéttir landsins og svo mestu auðmennina, þá verður sjálfsagðara mál að komast inní ESB, og bíða í röðum eftir goggunarröðinni, að færibandið skili úrlausn, fyrir fólk sem hvorki nennir, getur né hefur vit á að gera eitthvað af eigin rammleik, nema það komi af færibandinu.

Það er alltaf þetta sjálfskaparvíti sem veldur því að stjórnvöld vilja seilast dýpra í stóru vasana. Ríkið er búið að lofa of miklu of mörgum of lengi.

Svona eins og Bandaríkin sem eru á hausnum sem Donald Trump tók við í fangið og getur ekki undið ofanaf loforðaflaumnum frá Joe Biden og hans hyski, því þá verður fólk endanlega galið af reiði og allt logar í uppreisnum! Svona er þetta blessaða lýðræði!

Það eru mjög fáir flokkar eftir þar sem sómi og vit ræður ríkjum, eitthvað annað en lýðskrum. Það örlar á lífi í Sjálfstæðisflokknum, en bara einstaka sinnum, einsog dauðahryglur líksins.

Miðflokkurinn hinsvegar er næstum því í fullu fjöri, en ekki alveg samt.

Hinir flokkarnir eru allir uppvakningar.