6.1.2025 | 00:25

Skuggahliðar kvenna gerðar að söluvarningi - Real housewives/Desperate housewives

Konur eru frá Venus en karlar frá Marz. Þessi metsölubók kemur inná gömul sannindi sem er mismunurinn á kynjunum.

Hér áður fyrr var sagt að konur myndi stjórna heiminum friðsamlegar en karlar. Nú hefur komið í ljós að svo er ekki. Kvennamenningin er grimm og hættuleg eins og karlmenningin getur verið líka, en oft er meira undirferli í gangi í kvennamenningunni eins og áður var vitað og sagt almennt að væri einkenni á konum frekar en körlum.

Í fréttinni - sem er kvennafrétt og tízkufrétt úr Smartlandi Mörtu - ég hef áhuga á flestöllu, þar kemur fram þetta sem ég hef haldið fram áður að "það hafi alltaf verið stigveldi í kvenkyns vinahópum". Brian Moylan blaðamaður segir að persónur Tennessee Willams séu "haldnar hugvillum á borð við að þær séu betri en þær í raun eru og að allar eigi þær sínar dekkri hliðar eða kljást við einhvers konar innri átök".

Aðdáendur segja að "þættirnir væru í ætt við félagslega rannsókn. Að samskipti kvennanna snúist um flókna virkni í vináttu kvenna, félagslegt stigveldi og svæðisbundinn mun á skilgreiningu efri stétta ásamt skírskotun til félagslegra gilda".

Í sumum jógafræðum kemur fram að eftir jarðlífið fari fólk í andlegan heim, sem samkvæmt þeim jógafræðum er kallaður "hvataheimurinn". Mun hann vera grófgerðastur allra andlegu heimanna, en svipuð spíritísk fræði eru víða kennd og samþykkt af öndungum, spíritistum, en blæbrigðamunurinn margvíslegur, guðspekihreyfingar, dultrúarhreyfingar eða Nýaldarhreyfingar, eða Nýalshreyfingar, svo dæmi séu tekin.

Hvataheiminum er þannig lýst að félagsleg lögmál gildi þar mest, völd, stéttskipting, mannvirðing, þetta sem lýst er í fréttinni sem ég blogga út frá að þessu sinni, um hinar raunverulegu eiginkonur, Real houswives.

Annað nafn yfir hvataheiminn er hreinsunareldurinn, en Emanuel Swedenborg ritaði um handanheimsfræðin þannig, enda það hugtak þekktara á hans tíð og fyrr á öldum.

Mörkin á milli hvataheimsins/hreinsunareldsins og Vítanna/Himnaríkjanna (eða lífstefnuhnattanna og helstefnuhnattanna, Valhallar og Heljar öðru nafni) eru ekki alltaf svo ljós. Það er ekki skrýtið, þar sem jogafræðin viðurkenna ekki tvíhyggju vestræna, hvort sem hún er fengin úr Zaraþústratrúnni eða kristninni eða öðrum trúar og heimspekikerfum.

Jogameistararnir ganga út frá því að hvataheimurinn sé hið raunverulega helvíti, en fyrir þroskaðar sálir sé hann auðveldur og að þær smjúgi í gegnum hann hratt og án erfiðleika eða teljandi þrauta, en fyrir vantþroskaðar sálir sé sú vist oft bæði langvinn og ömurleg þrautaganga, sannkölluð vítisvist.

Mér hefur virzt oft sem okkar jarðlíf sé sannkallað helvíti, eða hvataheimurinn í hnotskurn. Það er í samræmi við kenningar dr. Helga Pjeturss, sem gera ráð fyrir að allt framlíf sé efniskennt og ekkert andlegt.

Hvataheimurinn er þannig útskýrður af jogameisturum að þar láti fólk sínar hvatir fá útrás, því þar hefti efnið það ekki, efnisheimurinn. Einnig ríkir þar lögmálið:"Sækjast sér um líkir".

Emanuel Swedenborg lýsti þessu kannski einna bezt í ritum sínum. Hann skrifaði eitthvað á þá leið, að eftir dauðann færi maðurinn inn í heim sem væri eftirmynd "elsku" hans. Þannig yrði það að eigingjarnir og sjálfhverfir einstaklingar myndu fyrirhitta spegilmynd sína í framlífinu í vítunum, fólk sem væri svipuðum skapbrestum gætt, og af því hlytust árekstrar og sársauki í þessum vítum. Hreinsunareldinn taldi hann ekki taka langan tíma, bara á meðan fólk væri að átta sig.

Emanuel Swedenborg var sérlega grimmur og gagnrýninn á allt það sem kalla mætti ásókn eftir peningum og völdum í heiminum. Hann sagði að slíkt fólk færi oft til verstu vítanna, það er að segja auðugt fólk í jarðlífinu, oft hrokafullt og ósanngjarnt gagnvart náunganum, það sem við köllum kannski auðróna í daglegu tali í nútímanum eða eitthvað slíkt.

Einnig var Emanuel Swedenborg gagnrýninn á stéttskiptingu þessa sem lýst er í þáttunum "Real housewives," það er að segja, hann lýsti því þannig að fólk sem ekki viðurkenndi mannkosti fátæklinga og annarra sem eiga bágt, heldur væri fast í hroka ríkidæmis síns og stéttarstöðu, það fólk færi einnig í hin verstu víti.

Emanuel Swedenborg lýsti inntaki kristninnar þannig, að hún snérist um að kenna fólki að elska Guð og náungann, og að það væru hinar dýrmætustu dyggðir sem við eigum. Hver er þá Guð? Hann er Sannleikurinn, segi ég. Náunginn er hugtak sem erfiðara er að útskýra, en það er hver sá sem við höfum tengsl við og sem er af sama kynþætti og við, það er eðlileg skilgreining á því hugtaki, það er hin upprunalega skilgreining. Náungi leit eins út hér áður fyrr, þá voru ekki ferðalög svo algeng, og fólk á hverjum stað yfirleitt með svipað útlit, af sama kynþætti.

Ná-ungi þýðir nákvæmlega þetta, sá sem næst þér stendur, og það er í yfirfærðri merkingu sá sem er náskyldur manni, kynþáttarlega, en ekki fjarskyldur. Þetta er það sem myndar þjóðarheildina, og því má vel segja að með kærleiksboðorði Krists um að fólk skuli elska náungann felist þjóðerniskennd af vissu tagi.

Hugvillur kvenna eru alltumlykjandi í okkar samtíma. Þær birtast einnig í jafnaðarfasismanum sem er ríkjandi stjórnkerfi Vesturlanda.

"Real housewives" og "Desperate housewives" eru þættir sem fjalla um snobb kvenna og svo gerast konur morðingjar í sumum þáttum, man eftir því úr RÚV. Einnig svíkja þær vinkonur sínar eða karlmenn, og gerast svívirðilegar í framkomu, jafnvel samvizkulausar, án þess að iðrast þess - nema stundum.

Í nútímanum sem fjallar um konur af öllum gerðum, þá er jafnvel afbrotakonum lyft uppí dagsljósið og þær fá athygli, eins og í þessum þáttum.

Með því að hylla skuggahliðar kvenna í svona vinsælum þáttum má segja að þessar skuggahliðar séu réttlættar. Það má segja að það sé samskonar siðspilling menningarinnar eins og að ýta undir ýkta og eitraða karlmennsku, að karlmenn séu ofbeldismenn, gerendur, nauðgarar, ræningjar, dráparar, og eitthvað slíkt.

En fólk hefur áhuga á öllu sem er ýkt, hvort sem það er í fari karlmanna eða kvenna. Þessvegna verður svona sjónvarpsefni vinsælt.