Verk Vinstri grænna eru enn umdeild, og verða kannski umdeildari með tímanum

Í gær tók ég upp æfingarmyndband, það er að segja ég æfði 31 lag og tók upp á myndband, DVD. Það er bara í frásögur færandi því ég veit ekki enn hvort ég nenni að halda áfram í tónlist. Ég hef tekið upp fáein svona æfingarmyndbönd á þessu ári, en það er í frásögur færandi þegar ég nenni þessu. Það þýðir að ég hef ekki haft frumkvæði að því að halda tónleika eða gefa út nýja tónlist eftir mig. Það þýðir að ég bíð eftir fjármagni og að aðrir vilji gefa þessa tónlist mína út eða hvetja mig, fá mig til að spila á tónleikum og helzt gegn borgun. Áður fyrr var ég oftast að spila ókeypis, og ég hef fengið nóg af því. Þó er það ljóst og ég veit það að lítt þekktir tónlistarmenn fá yfirleitt alltaf lágar greiðslur fyrir að spila á tónleikum, nema maður lendi á einhverjum sem endilega vill borga sæmilega.

Ég kann eiginlega mjög fá lög og texta sem ég hef samið. Ástæðurnar eru margvíslegar. Ég hef næstum aldrei nennt að æfa þessi lög mín eins og fólk gerir yfirleitt. Ég gerði það að vísu fyrir myndband sem ég tók upp fyrir Jón Ólafsson hinn góða í Nýdanskri, sem hann hefur enn undir höndum og fékk vorið 1993. Það var gott að ég æfði þessi lög, því ég kann þau sum enn nokkurnveginn.

Í gær æfði ég nokkur lög sem eru óvinsæl af sumum og sem ollu því að mér var slaufað af sumum, eins og Vinstri grænum - eða hluta þeirra - og nú hefur Vinstri grænum verið sjálfum slaufað! Svona eru örlögin merkileg.

Ég gaf út tvo kristilega hljómdiska 2010, sem voru teknir upp 1999 og 2001, "Kristur kemur", tekinn upp 2001 og "Ég er laus undan losta og synd", tekinn upp 1999.

Sumsstaðar á þessum diskum nota ég orðfæri Snorra í Betel og fjalla um Grillarann, sem er Djöfullinn, nema heimfærður upp á synduga einstaklinga í mannheimum líka, sem líkjast honum og fylgja honum að málum.

Í öðrum lögum gagnrýni ég húðflúr og líkamsskraut í sannkristnum anda, eins og í lögunum "Húðflúr er frá Helvíti" og "Húðflúr koma Helju frá". Einnig vitna ég í Gamla testamentið þessu til stuðnings, og Tórurnar, lögbækur Gyðinga, þar sem þetta kemur fram, og þessi boðskapur, sem furðulega margt nútímafólk brýtur gegn, viljandi eða óviljandi. Virðist í uppreisn gegn guði Biblíunnar, að minnsta kosti. Bubbi Morthens hefur haft slæm áhrif í þessu efni og verið neikvæð fyrirmynd.

Í enn öðrum lögum á þessum kristilegu tónlistardiskum fjalla ég um fóstureyðingar og að þær eru synd, "Þú værir kannski ekki til", og "Leyfðu fóstri að lifa".

Síðan fjalla önnur lög um hefðbundinn áróður sértrúarsafnaða, eins og í titillaginu, "Kristur kemur", og "Komum undir Jesú kross", eða "Allir bera einhvern kross".

Ástæðan fyrir því að ég samdi þessi lög var sú að þetta var að minnsta kosti eitt skeið á minni ævi, frá 1998 til 2001, nokkurnveginn - en einnig hef ég samið kristileg lög á öðrum tímaskeiðum, bara færri.

Ég fann fyrir miklum og góðum áhrifum og fór að vinna á Loftstofunni, var í Destu, Biblíuleshóp og þau sögðu mig frelsaðan. En svo var það hún Cornelia Eichhorn, kona frá Austur-Þýzkalandi, í Destu, og ég þekkti hana vel, og hún talaði fullkomna íslenzku, hún gerði mig afhuga kristninni allmikið, því hún eignaðist mann frá Afríku, og það fór algjörlega gegn mínum lífsskoðunum, sem kynþáttavilla, sem er ekki skárri en kynvilla.

Engu að síður þá sný ég ekki baki við þessum lögum og textum sem ég samdi undir kristilegum áhrifum frá þessum árum, og ég held enn í mörg kristin gildi sem mér eru mikilvæg og heilög, ófrávíkjanleg.

Mig langar til að fjalla um nokkur lög sem ég æfði í gær og tók upp á myndband.

"Mella hárið þitt er falleg", er lag sem var afgangslag af "Ég er laus undan losta og synd", en ég vil að það komist á endurútgáfuna, í demóútgáfunni, sem er bara býsna góð.

Það eru til margar upptökur af þessu lagi, mest frá 6. marz 1999 þegar það var að mestu samið.

"Konný hárið þitt er fallegt" var kannski fyrsta útgáfan.

"Mella" getur þýtt margt fleira en vændiskona og gleðikona. Fyrsta merking þessa orðs er frá heiðnum tíma, og þýðir miðill, völva, seiðkona. Enda er það eina merkingin sem er rökrétt ef maður skoðar orðið orðsifjafræðilega.

"Mella" þýðir milliliður upphaflega og er rótskylt orðinu "milli", eða meðalgöngumaður, miðill, eða völva, spákona.

Á kristilegum tíma, eftir kristnitökuna árið 1000 fór orðið að fá á sig neikvæða merkingu, sem tröllkona, skessa, og loks skækja eða vændiskona. Enda fór þá fólk að tengja áhuga á því að leita frétta við framliðna við framhjáhald andlegt, að halda fram hjá guði Biblíunnar með heiðnum guðum og gyðjum, eða öndum framliðinna.

Ég snéri þessu eiginlega við, og notaði orðið "mella" um Konný, sem kristna konu, sem hélt fram hjá heiðnum guðum.

Samt er þetta ljóð mitt mjög tvírætt og bæði lofkvæði og lastkvæði, því orðið "mella" hefur bæði jákvæða og neikvæða merkingu.

Í laginu "Húðflúr koma Helju frá" kemur fram þessi boðskapur sem lögmálsbundnir Gyðingar halda í heiðri, enda hefur Bob Dylan fjallað um andúð á húðflúrum líka eins og ég, sem Gyðingur. Til dæmis í laginu "Shot of Love", frá 1981, þar sem hann leggur að jöfnu að húðflúra börn undir lögaldri við að nauðga, drepa og guðlasta, sem sumt er í lögum og alþjóðalögum okkar mannanna á jörðinni, en annað ekki.

Lögin um Grillarann voru bæði grín og alvara. Ég var að vísu ekki hrifinn af því þegar Snorri í Betel stóð fyrir brennum á hljómplötum og öðru menningarefni, því það fór gegn trúarvissu hans, en ég varð strax hrifinn af nýyrðasmíði Snorra í Betel, sérstaklega fannst mér orðið Grillarinn sniðugt hjá honum.

Það minnti mig á það sem sagt er um Sjálfstæðismenn: "Flestir vilja grilla á kvöldin en græða á daginn". Ég held að þetta sé tilvitnun í Hannes Hólmstein Gissurarson, sem hefur verið áhrifamikill hugmyndafræðingur frjálshyggjunnar á Íslandi lengi.

Ég samdi mörg lög um Grillarann á þessu kristilega skeiði mínu frá 1999 -2001. Það er vegna þess að mér finnst húmor svo skemmtilegur. Mér fannst þetta bæði stríðni í garð Sjálfstæðismanna og svo í garð margra skinhelgra Íslendinga, sem vilja bara auðvelda yfirborðskristni, sem vilja ekki nýta sér neitt sem er umdeilt í samtímanum en tilheyrir kristilegri menningu, eða stendur jafnvel skýrum stöfum í Biblíunni sjálfri.

Þegar ég samdi lög um Grillarann, þá fann ég að með þessu eina orði gat ég gert grín og gagnrýnt á sama tíma. Þetta eina orð segir svo margt og er þjóðfélagsgagnrýni eitt og sér, vegna þess að margir Íslendingar eru "grillarar" í þeirri merkingu að þeir grilla kjöt, og minna þannig á Djöfulinn, sem grillar fólk í Helvíti, samkvæmt túlkunum sumra fyrir syndirnar sem fólkið drýgir hér í jarðlífinu.

Ég lærði það af mönnum eins og Megasi, Bob Dylan og Sverri Stormsker að það er ekkert gaman að fara alltaf auðveldustu leiðina. Bob Dylan hefur haft kjark til að fara á móti straumnum, alveg eins og Sverrir Stormsker og Megas, og fleiri auðvitað líka.

Mér finnst að ef eitthvað er öðruvísi í kristilegri menningu, eins og að vera á móti húðflúrum og líkamsskrauti, samkynhneigð, andatrú, miðilsstarfsemi, lauslæti og mörgu öðru sem tilheyrir nútímanum, þá eigi ekki að fela það heldur halda því á lofti.

Mér finnst að kirkjan fái sérstöðu og tilgang með því að halda þessu á lofti. Mér finnst það hræsni að fela eitthvað sem stendur í Biblíunni.

 

Katrín: „Ég upplifði bara raunverulega sorg“