Nálægðin við náttúruna er dýrmæt, og um það snýst verzlunarmannahelgin meðal annars

Fólk fer í útilegur um verzlunarmannahelgina og sefur í tjöldum. Ég er hér með stutta sögu um ömmu og afa. Þau fóru oft í útilegur á sumrin og ferðuðust um landið og ég oft með og aðrir krakkar í ættinni á mínum aldri.

Stundum kom það fyrir að afi var mjög upptekinn á verkstæðinu á sumrin þannig að ferðalög voru ekki möguleg nema stutt og fá þau sumur.

Það vildi nefnilega oft þannig til að hann tók að sér fá og stór verkefni frekar en mörg og lítil, það gaf oft betur af sér.

Þannig var að menn komu stundum með bíla til hans sem aðrir vildu ekki gera við. Hann tók að sér að gera upp bíla sem voru 75% ónýtir, ef menn borguðu vel fyrir það að koma þeim í lag.

Sumir gamlir menn og yngri tóku miklu ástfóstri við ökutæki sín og vildu ekki henda þeim, og það gátu verið bílar sem voru að ryðga niður og hrynja og sem fengu ekki skoðun vegna ryðskemmda, eða bílar með ónýtar vélar eða gírkassa.

Þeir feðgarnir gátu lagfært grindur undir bílum og soðið saman að nýju og svo ryðbætt og skipt um bretti og stóran hluta bílanna, oft með því að fá svipaða hluti á partasölum, eða með því að ryðbæta eða búa til frá grunni.

Þetta þýddi að sami bíllinn var í mánuð eða meira inni á verkstæðinu.

Afi og amma voru svo hrifin af því að vera í tjaldi, heyra fuglasönginn, elda mat á prímus og anda að sér góða loftinu að þau tjölduðu úti í garði þegar svona stóð á þegar var sumar eða viðraði til þess.

Ég man að eitt sinn vaknaði ég og sá að könguló var að skríða á mér eða svefnpokanum mínum, og var alltaf að finna skorkvikindi í tjöldunum. Þá gafst ég upp og vildi frekar vera einn í húsinu.

Þau áttu tvö tjöld. Annað var grátt og strigakennt og minna, en það var eldra. Ég held að amma hafi saumað það. Hún vann í Seglagerðinni þegar hún var fyrir sunnan og þau áttu eftir að ganga í hjónaband. Það var á stríðsárunum.

Amma kunni að sauma tjöld. Hún átti saumavél sem hún notaði mikið. En það var erfitt að sauma tjöld og hún gerði það held ég ekki eftir að þau fóru að búa og hún hætti að vinna þarna. Það þurfti mikið efni, og hún varð eftir sig í fingrunum.

Ég man að þetta litla og gamla tjald var ekki með neinum botni. Tjaldhælarnir héldu því föstu eins og hinu.

Þegar stóra tjaldið var bilað var litla tjaldið notað.

Stundum þurfti að þurrka stóra tjaldið þegar kom mygla í það út af raka. Þá var litla tjaldið notað.

Það kom líka fyrir að lítil göt komu á stóra tjaldið. Einhverntímann rifnaði út úr tjaldhælagötum. Ég held að amma hafi lagað þetta allt sjálf, en litla tjaldið var notað á meðan.

Stóra tjaldið var grænt og með botni að neðan. Það var keypt fullbúið einhverntímann.

Amma var ekki hrædd við köngulær eða skorkvikindi. Hún sagði að það væri ólánsmerki að drepa járnsmiði eða köngulær, og var alltaf róleg ef hún fann slík kvikindi, lét þau skríða uppá blað og henti þeim svo rólega út á tröppur eða út um gluggann.

Þó var hún stundum óhress með að fá stórar og frekar flugur inn, það voru fiskiflugur og þegar hún var að matreiða gat hún orðið æst og reið því hún vildi ekki að þær spilltu matnum.

Þá sagði hún oft:"Út með þig skömmin þín!". Amma var nú frekar feitlagin en hún gat samt verið hröð og lipur í hreyfingum þegar svona stóð á jafnvel þegar hún var orðið gömul.

Þá sá ég hana oft taka upp Morgunblað og reyna að berja flugurnar og oft náði hún þeim.

Það gleður mig að sjá að á verzlunarmannahelgunum heldur fólk útí náttúruna. Ég samdi lagið "Náttúran" árið 1988, og mér finnst það eitt dýpsta, dularfyllsta og margræðnasta lag sem ég hef búið til, eða ljóð. Slík náttúrudýrkun er hluti af því, en ekki allur boðskapurinn sem felst í því.

Þarna er mennskan, þarna er þetta jákvæða í fólki, að óska eftir að komast frá tækninni og borginni og út í náttúruna og skemmta sér þar, í útilegum.

Síðan eru það skemmtiatriðin, þar sem listamenn fá tækifæri til að sýna hæfileika sína. Allt er þetta hróssvert.

Þögn í fréttaflutningi um uppruna gerenda. Gerir hún gagn?

RÚV var með þversagnakennda frétt í gær. Fjallað var um hið óhugnanlega morð á þremur telpum í Bretlandi. Var því haldið fram að falsfréttir hefðu valdið uppþoti og óeirðum almennings við mosku, þar sem það hefði spurzt út að gerandinn væri islamisti sem kom í ljós að ekki var.

Það er nú ýmislegt í þessu sem þarf að athuga.

Býst ég við að í Bretlandi eins og hér gildi núorðið sú regla að sem fæst sé sagt í svona fréttum og því sé lesendum látið eftir að gizka og koma með kjaftasögur sín á milli. Því má búast við að uppruni gerandans sé ekki látinn í ljós, eða trúarskoðanir eða varla.

Því er það spurning hver er með hvaða falsfréttir. Er það fréttastofan sem þegir um það sem fólk vill vita um eins og nákvæmar upprunaupplýsingar gerandans eða illa upplýstur almenningur sem kemur með ágizkanir eða lætur Gróusögur dreifast sem kannski byggjast á einhverjum upplýsingum, bara misgóðum?

DV hefur birt mynd af gerandanum og nafn og fleiri fjölmiðlar, hér og erlendis. Er hann ættaður frá Rúanda í Afríku og er 17 ára.

Hér í fréttinni er vitnað í dómara í Liverpool sem er sammála mér um að þær óeirðir sem upphófust eftir atburðinn gefi ástæðu til að breyta fréttaflutningi, gefa upp nafn gerenda í framtíðinni og sennilega aðrar nákvæmari lýsingar, svo fólk sé ekki að gizka og grufla.

Almenningur veit varla meira en þetta, og því er beðið eftir því að sérfræðingar útskýri þetta, ástæðurnar fyrir þessu.

Ég verð þó að nefna ýmislegt í athugasemdakerfi DV sem vekur athygli.

Þar eru hörð átök á milli fólks sem gerir athugasemdir, kona sem talar um "ranga innflytjendastefnu" fær á sig hörð viðbrögð góða fólksins, og henni sagt að hún yrði tekin af lífi ef fólk væri drepið fyrir að vera hálfvitar, og að henni sé ofaukið í veröldinni. Enn sem fyrr hefur góða fólkið ekki stjórn á skapi sínu og lætur út úr sér meira hatur en aðrir við svona tilefni, eða oft að minnsta kosti.

Ég spyr mig eftir að hafa lesið þessar athugasemdir í DV: Ef jafnt á yfir alla að ganga, hlýtur fólk þá ekki að reiðast afbrotamönnum eins mikið sem eru með aðrar trúarskoðanir en við eða með annað útlit, af öðrum uppruna? Að reiðast bara þeim sem brjóta af sér með sama útlit og við er rasismi, því þetta virkar í báðar áttir. Hlutleysi þýðir að reiðast líka og refsa eða þá umbuna og hrósa jafnt, burtséð frá útliti og uppruna eða skoðunum.

Það er alveg ljóst að fréttafólki er ekki að takast að finna einhvern gullinn meðalveg í fréttaflutningi sínum.

Margir sem góla hátt og eru með formælingar í garð annarra gera ekki greinarmun á fordómum og raunsæi.

Fólk sem gefur sig út fyrir að vera með útblásna réttlætiskennd (góða fólkið) er kannski að gera það til að fela raunverulegan rasisma undir niðri eða aðra fordóma.

Könnun sem birt var í heimildamynd frá Bretlandi sýndi fram á að rasismi er meðfæddur. Börn voru rannsökuð og þetta var niðurstaðan. Þetta kom fram í heimildamynd á RÚV fyrir nokkrum árum. Talað var um að börnunum þyrfti að kenna betri siði. En niðurstaðan var ótvíræð, og því má segja að útblásin réttlætiskennd "góða fólksins" geti verið sýndarmennska.

Nafngreina árásarmanninn í Southport

Verður Kamala Harris næsti forseti Bandaríkjanna?

Djúpar athugasemdir Guðmundar Arnars við pistla Ómars Geirssonar hreyfðu við mér, sem ég skildi, en Biblíutilvitnanir geta sagt meira en mennsk orð á stundum og tímum Harmageddons.

Bókin hennar Ruthar Montgomeryar sömuleiðis, sem kom út á Íslandi 1981, "Óvæntir gestir á jörðu", en fáir Íslendingar eða aðrir munu skilja þá bók til fulls.

Ráðstefnan á Íslandi 2022 sem fæstir vissu af hefur áhrif á mig einnig, þar sem örlög voru ráðin.

Síðasti pistill sem ég skrifaði hafði einnig áhrif á mig.

Það eru mjög kolsvartar framtíðarspár framundan, en þó glæta sem skín í gegnum myrkrið.

Ákveðnir aðilar segja að Rússland muni ganga í ESB í náinni framtíð, annaðhvort verði Pútín steypt af stóli eða umbreyting önnur verði í Rússlandi, og að Rússar verði bandamenn Evrópusambandsins. Allt er þetta óljóst og verður kannski alls ekki með þeim hætti.

Hitt er ljóst að til eru aðilar innan Rússlands sem vilja þetta.

Ef Rússar sigra Úkraínumenn er einmitt meiri hætta á því að þessi atburðarás verði að möguleika.

Hættan sem fylgir Kamölu Harris er víst mögulegt kjarnorkustríð. Forsmekkurinn eru átökin á Gaza.

Í bókinni eftir Ruth Montgomery er því haldið fram að átök á milli múslima í Afríku sem Ameríka og Sovétríkin (sálugu) dragist inní hrindi af stað þriðju heimsstyrjöldinni. Þetta varð þó ekki eins og allir vita, og allir geta prísað sig sæla með það. Hinsvegar er nóg af styrjaldaklikkun enn í heiminum svo undan gereyðingu verður kannski ekki sloppið endalaust.

Þó í ljósi atburðanna á Gaza sem fleiri gætu dregizt inní gætu þær spár orðið að veruleika. Í grunninn eru þetta jú átök múslima og gyðinga annarsvegar og svo átök Vesturlanda og Rússlands hinsvegar, þannig að hliðstæðurnar við ástandið um 1980 eru skuggalega margar.

Hættan sem fylgir því að Trump verði aftur forseti gæti verið enn meiri en hættan af Kamölu Harris.

Covid-19 var sent útí andrúmsloftið viljandi til að láta Donald Trump tapa endurkjörinu sem forseti og það tókst. Annað markmið var einnig með því að dreifa Covid-19, fækka stuðningsfólki Trumps, fólki af germönskum uppruna, vestrænu fólki.

Hér er sama miskunnarleysið á ferðinni og þegar fólki var útrýmt áður, hvort sem það var með Svartadauða eða öðrum sjúkdómum eða þegar Helförin átti sér stað.

Merkilegur er pistillinn eftir Guðmund Örn þar sem hann skrifar að Donald Trump hafi náðargjöf, og er hægt að taka undir það.

En ef óvinir hans komu af stað Covid-19, hvað munu þeir þá gera ef hann verður aftur forseti.

Það munu vera þrjú vopn að minnsta kosti reiðubúin til beitingar.

Við sem erum Íslendingar þurfum að sætta okkur við það endanlega að yfirráð okkar eru búin. Kamala Harris er framtíðin.

Fáir skrifa af meiri fróðleik og speki en Arnar Sverrisson þessa dagana. Finnst mér að góðir og merkilegir pistlar hans ættu að vera meira lesnir og fá meiri athygli og hrós, þeir eru stórmerkilegir margir.

Þar sem hann skrifaði um samruna manns og tölvu má segja að hann hafi orðið nútímalegri en flestir sem rita og vita ekki um slíkt.

Það sem hann skrifar ekki um og veit kannski um er þetta sem ég bæti hér við.

Enlil og Enki eru af sumum taldir Jahve Biblíunnar og Satan Biblíunnar. Um þá var skrifað áður en Biblían varð til og margir telja að ýmislegt úr Biblíunni komi úr súmerskri menningu, og virðist það augljóst raunar.

Samkvæmt öðrum fræðum eru þeir Óðinn og Loki bræður, ekki aðeins fóstbræður.

Það sem meira er, þeir gætu verið Enlil og Enki, eða Satan og Jahve með öðrum orðum.

Þetta er of flókið til að fara djúpt ofaní þetta. Mjög fáir skilja eða botna neitt í þessu.

En svo þetta sé einfaldað, þá má vel vera að Jesús Kristur sé kominn aftur til jarðarinnar og guð Biblíunnar Jahve.

Það má sjá á Netanyahu til dæmis.

Það má trúa því að Ísraelsmenn fari að drottna yfir öðrum þjóðum ekki aðeins andlega og trúarlega eins og verið hefur, heldur á annan hátt.

Það er staðreynd að vestrænt fólk er að deyja endanlega út.

Elítan þarf ekki allt þetta fólk.

Auk þess munu geimverur ætla að leggja undir sig jörðina.

Kamala Harris gæti orðið sá friðarhöfðingi sem skástu lausnin gæti boðið með hjálp jarðneskra aðila sem eru forríkir. Þar með gæti hafizt hér kristileg öld. Ég sætti mig við það fullkomlega og yrði sáttur við það, ef maður les teiknin rétt.

Þó er það mjög stór og mikil spurning sem vaknar þegar maður les athugasemdir Guðmundar Arnars Ragnarssonar og um að Trump sé útvalinn af Guði.

Til að það gangi eftir yrði Evrópusambandið að lúta honum og femínistar út um allt. Það er erfitt að sjá það rætast. Þó er Guði ekkert ómögulegt.

Engu að síður, ef vopnin gegn honum verða ekki notuð yrði það að þýða ákveðna tilslökun í öðrum efnum. Mér skilst að hún hafi gengið eftir og hann sé orðinn auðsveipari valdinu, en ekkert er fullvíst í þeim efnum samt.

Ég er nokkurnveginn viss um að geimverurnar sem eru inní meira en helmingi fólks jarðarinnar núorðið vegna húðflúra, lokka og annars líkamsskrauts muni vilja klára áætlun sína um að koma hingað alvöru geimverum með þeirra eigið útlit.

Það þýðir á mannamáli að fuglaflensuveiran yrði notuð til að útrýma enn fleiri aðilum en með Covid-19.

Ennfremur myndi það þýða stærra efnahagshrun en 2008 og stærra en 1929. Móðir allra kreppa eins og sagt er.

Já í þriðja lagi myndi það kannski þýða visthrun. Allt þetta gæti þýtt heimsendi og Hamrageddon, en þó eins og ég fjallaði um fyrr í þessum pistli er von um frestun á þessu eða að þetta verði bara alls ekki með nákvæmlega þessum hætti, og sízt á allranæstu árum, eins og sumir halda fram.

Þetta er svo mikið efni að erfitt er að koma þessu til skila, og ekki hægt, það þyrfti nokkrar bækur til þess.

En það sem ýmsir hafa skrifað um samruna véla og manna er ekki skáldskapur.

Það er hluti af áætlun Jahves um að gera úr okkur auðsveipa þræla og ambáttir enn á ný.

En það er jafnvel skemmtilegra að fjalla um vonirnar sem felast í þeim sviðsmyndum sem eru bjartari og skemmtilegri.

Mér lízt vel á að Kamala Harris verði næsti forseti Bandaríkjanna. Það eru jafnvel orðnar helmingslíkur á því, og þær gætu orðið yfirgnæfandi áður en kosið verður.

Ég veit að fólki gæti komið þetta á óvart sem vita um hrifningu mína á Trump.

En samkvæmt þeim upplýsingum sem ég hef eru ákveðin vandkvæði þar til staðar.

Aðlögunin að þeirri framtíð sem flestir eru sammála um gæti orðið auðveldari með Kamölu Harris sem næsta forseta í Bandaríkjunum.

Þó er það rétt að átökin á milli Rússlands og Vesturlanda gætu þá orðið vandamál.

Einnig er hætt við að átökin á milli múslima og Vesturlanda færist þá meira í áttina að því sem á sér stað á Gaza, fjöldamorð, útrýmingar.

Það er mögulegt að Trump verði næsti forseti Bandaríkjanna og útvalinn af Guði, og sá sem leysir þessi vandamál sem ég er að fjalla um.

Eva Biblíunnar, Guð Biblíunnar, Satan Biblíunnar, þetta eru enn leikendur og persónur, gerendur í mannkynssögunni.

En miðað við hvernig búið er að útrýma vestrænu fólki og vopnið heitir femínismi og jöfnuður, en ekki gasklefar, þá má segja að ekki sé hægt að búast við bjartri framtíð.

Það eru svo mörg og flókin atriði sem koma inní þessa sviðsmynd að þetta er ekki hægt að einfalda með neinum hætti.

Mér þykir bara leitt hversu fáir líta á málin með raunsæjum hætti og halda í þá ímyndun að virðing fyrir fólki eða lífum sé afl sem megi sín nokkurs í mannkynsögunni, hvað þá nútímanum.

Hvað vill Guð Biblíunnar? Það þarf víst fleiri pistla undir það.

En Eva Biblíunnar getur tapað eins og Jahve.

Friggjarblótið enn og aftur.

Sem sé, Þór stendur á bak við þetta í raun.

Ef valin er hliðarframtíð og ekki hringrásin í Friggjarblótinu þá fáum við alræði Evu eða Friggjar, femínistanna.

Þróun mannsins á þessari jörð lýtur samningum.

Maður vonar og óskar að hinar dekkstu sviðsmyndir raungerist ekki í náinni framtíð, en þó má spár rætast eins og margir trúaðir halda fram. Til dæmis spádóma Nostradamusar má sjá rætast.

Ýmislegt bendir þó til þess að Trump verði aftur forseti og að Guðmundur Örn hafi rétt fyrir sér. Þá mun þetta ekki raungerast fyrr en síðar, eða mögulega að minnsta kosti.

Þá má segja að tímalínur færist aftar, til að jafna út krafta og frestun verður á Harmageddon.

Kamala fær þekktan rappara sér til aðstoðar

Lýtaaðgerðir á yfirvöldum - fréttaflutningur til að fegra yfirvöld - Gallastríð Sesars enn á ný

Eins og svo margt og kannski flest sem varðar fréttir nútímans þá er þessi hluti af sviðsetningu og innrætingu, án nokkurs vafa, búa til sigurhetjur þar sem efinn er fyrir hendi um það hverjir eru hinar raunverulegu hetjur og hverjir eru skúrkarnir. Svo mikið hefur verið ritað og rætt um hryðjuverkin 11/9/01 að ómögulegt er að vita nokkuð með vissu annað en það að atburðarásin var skrýtin og spurningum er ósvarað.

Eins og með morðið á Kennedy, opinberir aðilar hafa ekki efni á öðru en að telja sig vita sannleikann. Eins og ég er 100% sannfærður um að Roswell geimskipshrapið 1947 var raunverulegt en ekki loftbelgur eða skýjamyndun, þá er sennilegt að mikið af öðru sem yfirvöld fullyrða að sé með ákveðnum hætti ER ekki með þeim hætti, of mikið er í húfi að sagan sé skráð á ákveðinn hátt fyrir Elítuna, yfirvöldin, fólkið sem stjórnar Vesturlöndum og á 99% af öllum peningum okkar, og er aðeins minna en 1% okkar.

Það að þessi frétt skuli vera sögð núna segir okkur að Demókratar þurfa andlitslyftingu og fegrunaraðgerð í formi falsfrétta.

Eins og fram kemur í fréttinni, maður var beittur pyntingum af CIA og kemur með játningu til að komast hjá dauðarefsingu. Við vitum ekkert um það hvort þetta er sannleikurinn, eða blóraböggull, annað eins hefur víst gerzt. En við vitum að alveg eins og þegar Osama náðist og drepinn þurftu yfirvöld (demókrata) lýtalækningu á þeim tíma og eitthvað til að láta sitt fólk líta betur út.

Barack Obama fékk mikla viðurkenningu hjá bandarísku þjóðinni og öllum heiminum eftir að Osama náðist.

Barack Obama var mætt af mikilli tortryggni allan sinn feril, og sumir töldu að bandarísk yfirvöld hefðu verið fær um að handsama og drepa Osama bin Laden mun fyrr, vitað af honum og haft hann í sigtinu lengi áður en hann náðist.

Samsæriskenningar sumar segja til um að óvinir séu búnir til, og atburðarás sé stýrt.

Mikið af því sem tilheyrir nútímanum væri ekki til án stríðsins við hryðjuverk sem var hrint af stað í kjölfar árásanna á Tvíburaturnana 2001. Eftirlitskerfi, lagaheimildir, vopn, reglugerðir, tækni.

Hvers vegna að eiga 99% af öllum peningum mannkynsins ef ekki ætti að nota þá til að sýna yfirburði sína, eiga fréttastofur með húð og hári og stjórna fréttaflutningi þeirra í einu og öllu, velja úr passlega hæfilega sannleika og sannleikskorn til að sáldra yfir lýðinn þegar það hentar?

Þegar einhver kallar fréttir falsfréttir merkir það ekki að þær þurfi að vera alrangar, en þeim getur verið plantað samt og sannleiksgildi þeirra kannski verið hæpið eða ekki neitt.

RÚV fær ekki gagnrýni að tilefnislausu.

Eftir sem áður eru það leyndardómar sem hylja árásina 9. september á Tvíburaturnana. Þótt mjög líklegt sé að Osama og þessir múslimar beri þunga sök, er mögulegt að Djúpríkið beri enn þyngri sök.

Allavega, eins og með morðið á Kennedy, tunglförina, geimverur og margt fleira, þetta er ekki enn vitað að fullu eða útskýrt.

Þessi frétt er varla sannfærandi þar sem sá sem játar var pyntaður, eins og kemur fram, og er með játningunni að sleppa við líflátsdóm. Það er ekki trúverðugt uppá játninguna.

Þetta heldur áfram að vera leyndardómur.

Skipuleggjandi 9/11 sagður játa sök

Af hverju reyna ekki Íslendingar að hjálpa upp á að bæta stjórnkerfið í Venezúela, taka upp stjórnmálasamband, ef hægt er eða eitthvað annað?

Um sama leyti og RÚV sýndi myndefni með mótmælum fólks frá Venezúela sem hér hefur sezt að og er ósátt við endurkjör forsetans Madúró þá las ég blogggrein eftir Jóhannes Ragnarsson sem heitir:"Heill þér félagi Madúró og til hamingju með sigurinn".

Sá bloggari er samkvæmt því sem ég hef lesið eftir hann kommúnisti af gamla skólanum og mér finnst svolítið gaman af því, hann minnir mig á nokkra þannig sem ég þekkti í bernsku minni, nokkra kennara sem kenndu mér og svo viðskiptavini á verkstæðinu hans afa sem ræddu um pólitík. Þar man ég sérstaklega eftir einum manni sem dó skömmu eftir 1980, en hann sagðist marxisti og ekki hvika hætishót. Hann var kennari og bílstjóri.

Nú er það svo að víða á Vesturlöndum heyrir maður fólk efast um að Madúró hafi verið endurkjörinn. Merkilegt var einnig að lesa pistil eftir Björn Bjarnason, þar sem hann segir alla einræðisherra styðja Madúró og má því segja að Björn teljj hann einræðisherra, en hvergi kemur fram í pistli Björns að Madúró er kommúnisti líka, en hann kallar hann hinsvegar sósíalista, og kannski er þetta allt sama tóbakið, en blæbrigðamunur þó.

En sennilega er rétt að leggja trúnað á það sem Björn skrifar, og það er í samræmi við lýsingar annarra á spillingunni í Venezúela.

Nú rennur það manni til rifja að hlusta á fólkið frá Venezúela lýsa því hvernig það þráir að snúa aftur til heimalands síns en getur það ekki vegna ömurlegs ástands.

Þá dettur mér eitt í hug sem er efni þessa pistils. Hér á Íslandi höfum við gríðarlegt magn af fólki sem vill bjarga heiminum, og raunar mestmegnis vinstramegin í stjórnmálalitrófinu, en góðmennska er alltaf góðmennska og nýtileg.

Björn Bjarnason segir að einræðisherrar allra landa styðji Madúró. Það gera sumir gamlir kommúnistar greinilega líka.

En tillaga mín er þessi og uppástunga sem varð tilefni að þessum skrifum mínum:

Getur ekki íslenzka ríkisstjórnin tekið upp stjórnmálasamband ellegar þá einhverskonar samskipti við Madúró og hans stjórn, í því skyni að bæta þar ástandið?

Ég hef tröllatrú á því að samskipti milliliðalaus leysi oft vandamál sem annars vinda uppá sig og versna.

Ráðherrar sumir innan ríkisstjórnarinnar íslendzku lýsa áhyggjum og óánægju yfir gríðarlegum fjölda venezúelskra flóttamanna sem hér eru. Veit ég að margir almennir borgarar eru sama sinnis.

Ég vil einnig að íslenzka ríkisstjórnin taki upp samband við Rússa, enduropni sendiráðið og sýni þeim kurteisi, og það er ekki grín hjá mér heldur alvara.

Nú má spyrja þessa sem völdin hafa:

Af hverju er bara nauðsynlegt að hjálpa löndum Afríku með "þróunarhjálp", allskyns tæknibúnaði og íslenzku hugviti?

Setja spurningamerki við sigur Maduro

Konur verða að krefjast hærri launa - söngtexti eftir mig, frá 2002.

Söngtextinn:"Konur verða að krefjast hærri launa" frá 14. janúar 2002, væntanlegt lag á endurútgefinni hljómplötunni:"Við viljum jafnrétti" frá 2002, þegar ég fæ fjárhagslegan stuðning og hvatningu.

Maður verður að leyfa verkum sínum að lifa úr fortíðinni hvort sem maður er sammála þeim eða ekki. Maður breytist með tímanum og skiptir um skoðun.

Þegar við tónlistarmenn semjum lög á plötur okkar þá gerum við það með misjöfnum hætti. Sumir gera það á skömmum tíma, aðrir á lengri tíma. Sumum gengur erfiðlega að semja lög og texta en öðrum veitist það auðveldara. Aðeins í seinni tíð hef ég ort lítið og gert fá lög. Þegar ég var yngri fannst mér þetta bæði auðvelt og skemmtilegt. Nú hef ég misst áhugann, finn ekki tilganginn í þessu, nema rétt svo til að viðhalda hæfninni, eins og gleyma ekki að hjóla, ef maður hefur einu sinni lært það.

Þarna var ég í blóma lífsins og vann eins og hestur. Ég tók þetta skipulegum tökum. Ég valdi mér viðfangsefni og skoðaði frá öllum hliðum.

Því miður var dómgreindarbrestur minn svo mikill að gefa út lög á þessum jafnréttisplötum einnig gegn jafnréttinu, og hinum pólitíska rétttrúnaði. Það verður betrumbætt í endurútgáfunni og þá verður þetta ritskoðað (hérumbil alveg) í hel, ekkert nema hreinn rétttrúnaður.

Ég lærði af Einari Benediktssyni, Steini Steinarr, Davíð Stefánssyni frá Fagraskógi og allskonar þannig þjóðskáldum sem fjölluðu um málin frá mörgum hliðum og oft í fyrstu persónu.

Þannig að þetta er ekki hræsni í mér heldur skáldleg tilþrif. Mínar efasemdir eða skoðanir skipta ekki öllu máli, heldur að búa til söngtexta sem gott er að syngja, eins og meistari Megas sagði oft í viðtölum um sín eigin verk.

Það eru til nokkrar uppteknar útgáfur af þessu lagi frá 2002. Til dæmis ein þar sem textinn er sunginn hratt og viðlaginu sleppt nema á tveimur stöðum. Sú upptaka tekur um 3 mínútur. Svo eru til lengri útgáfur, og upptökur þar sem mörgum erindum er sleppt.

Galdurinn sem í þessu felst er að láta skáldfákinn bera sig á slóðir þeirra skoðana sem til eru í eternum. Að vera sammála því sem maður er kannski ósammála, finna í því sannleika og sátt. Ég er stoltur af þessu ljóði, það virðist passa vel við þennan stöðuga áróður um einmitt þetta í RÚV og víðar.

Eins og ég hef oft fjallað um áður í pistlum þá var ég vinstrisinnaður 1983-1987, þó það sé kannski frekar mikil einföldun, því inn á milli komu önnur sjónarmið í verkum mínum einnig, en bara minna.

Já ég var sannfærður um þetta undir áhrifum frá kennurum og tónlistarmönnum eins og Bubba Morthens, Megasi og Bob Dylan, og sennilega fleirum.

Þegar ég set mig í þennan gír, að vera sammála vinstrimönnum, þá þarf ég bara að rifja upp hvernig mér leið á þessum tíma og hvað réttlætiskenndin sagði mér um þessi mál.

Fyrir þessar plötur var metnaður minn mikill. Ég samdi mjög mikið af lögum af allskonar tagi.

Eins og kom fram á textablaðinu við "Hátinda", sem dr. Gunni gaf út 2009 og var safnplata með mínum lögum, þá var mikið af afgangsefni tekið upp fyrir þessar plötur á þessum árum.

Það er vegna þess að maður tekur upp lög í blindni eiginlega, maður semur lög með það að markmiði að hafa úr mörgu að velja þegar maður velur 10 stykki að lokum.

Þetta lærði ég af Magnúsi Eiríkssyni þegar ég las Poppbókina hans Jens Guðs, sem mér var gefin í fermingargjöf árið 1984. Ættingjar mínir vissu að ég vildi verða poppari og gáfu mér hana.

Magnús Eiríksson sagði í viðtali í þessari bók að eftir því sem menn gerðu fleiri lög gætu þeir hent fleiri lögum í skúffuna sem afgangslögum, og úr yrði sterkari heild, sterkari hljómplata.

Því miður fór ég ekki alveg eftir þessu þegar ég gaf út jafnréttisplöturnar fyrst, 2001-2003. Það var vegna þess að ég fór eftir mjög einfaldri forskrift sem ég ákvað 1997-1998. Ég taldi það flott að gefa út kvenhaturslög eins og Megas, svona er að eiga fyrirmyndir sem eru sérstakar og vilja vera sérstakur líka.

Maður er í misjöfnu skapi þegar maður býr til lög og texta. Til dæmis var það þannig að ef einhver falleg stelpa brosti til mín gat ég samið 10-20 jákvæð og skemmtileg lög á einum degi í kjölfarið eins og ekkert væri. Eins var það þannig að ef paranoian mín taldi mér trú um að kvenfólk hataði mig á öðrum degi sem ekki var eins góður og skemmtilegur gat ég samið 10-20 kvenhaturslög á einum degi eins og ekkert væri. Svona er þetta.

Ég hef lært að svona perlur verða ekki endurteknar, það er að segja, maður getur ekki endilega samið svona lög núna meira en 20 árum seinna. Þessvegna vill maður halda uppá þetta og athuga hvort fólk fílar þetta.

Annað er merkilegt, að eftir því sem maður syngur svona lög oftar þá sannfærist maður um boðskapinn í þeim.

Alla vega, ég man ekki nákvæmlega hvað ég var að pæla þegar ég samdi þetta. Þetta var á þeim tíma sem ég samdi lög á færibandi og samkvæmt forskrift. Ef ég var í réttu skapi þann daginn neyddi ég mig til að semja að minnsta kosti 10 lög og texta, sem hugsanlega útgáfuvæn stykki síðar á árinu.

Rithöfundar setjast niður þegar þeir skrifa bækur. Tónlistarmenn og ljóðskáld gera það í sumum tilfellum líka, bíða ekki eftir andanum, heldur beizla hann, þar sem hann finnst í loftinu, í formi skoðana sem skáldið hefur kynnt sér eða numið af öðrum.

Sum ljóðskáld bíða samt eftir "andanum". Ég hef líka gert það stundum. Þetta er með ýmsu móti.

En þetta er engu að síður texti sem passar alveg inní okkar tíðaranda, eða jafnvel miklu betur núna 22 árum síðar, ekki satt?

Það er meiri harka í þessum málum í nútímanum. Ég vil njóta vinsælda sem tónlistarmaður. Því miður gengur það erfiðlega þegar ég tala gegn pólitískum rétttrúnaði. Svona verk úr fortíðinni hjálpa mér að halda mér á réttu línunni.

 

Db7

Nýi tíminn, gæfa og gleði.

Ab7                        Db7

Gamli tíminn, víti og pína.

Gb

Karlar núna konum þjóna;

Eb                         Db7

konum skaltu hlýðni sýna.

 

Viðlag:

 

G                      F                    Db7

Konur verða að krefjast hærri launa!

Eb                 Db                 Db7

Konur verða að krefjast hærri launa!

G                      F                     Db7

Konur verða að krefjast hærri launa!

Ab7                                           Db7

Kanntu á feðraveldið nú að bauna?

 

Kirkjur, messur, kristni, fortíð,

konur vilja eitthvað betra.

Ef við föllum aftur niður

óðar fer hér þá að vetra. (Viðlag).

 

Ömurleiki okkar tíma:

Einhver launamunur kynja.

Rétt þinn skaltu reyndar vernda,

rembu fornri skaltu synja. (Viðlag).

 

Skil ég þessa skugga tímans?

Skaltu ekki launa krefjast?

Mannréttindi, meiri jöfnuð,

mannsins vonir upp svo hefjast. (Viðlag).

 

Eitthvað sem þú oft á trúðir

er nú veiklynt, fallið niður.

Aðeins sigrar alger jöfnun:

Út frá konum breiðist friður. (Viðlag).

 

Loksins framför lifnar eilíf,

Loki dregst til hliðar fölur.

Unga fólkið allt nú bætir,

ekki er þetta langur spölur. (Viðlag).

 

Réttlát augu, góðlynt geðslag,

gífurlegur andastólpi.

Réttsýnn maður, rímvís, skynall

rennir niður liðnu skólpi. (Viðlag).

 

Millivers:

 

E

Karl í konu býr,

E

krafan birtist enn.

A

Stríð og starfi dýr,

H           Hm    Db7

stærri krafa senn.

 

Konur alla karla gleyptu,

kanntu að stjórna miklu betur?

Þenja skal út þjóðir, stofna

þar til upp rís hinzti vetur. (Viðlag).

 

Unga fólkið, allt það bezta,

engin mistök, bara speki.

Góðvild, mildi, gleði og friður,

góðúð okkar mannúð veki. (Viðlag).

 

Feðraveldið fúla, vonda,

fellir þig og kvelur gjarna.

Við skulum ekki skugga lofa,

sköpum góða framtíð barna. (Viðlag).

 

Jöfnum kjörin, jörðin batni,

ég vil öllum hjálpa meira.

Þeir sem hræðast þurfa að tala.

Þráum kæfða rödd að heyra. (Viðlag).

 

Nýi tíminn, gæfa og gleði,

gamli tíminn, hörmung, pína.

Stefnan loks er sterk og rétt nú.

Stúlkum skaltu ástúð sýna. (Viðlag).

Öfgasamtök og öfgasjónarmið eru rótgróin í samfélaginu. Femínisminn.

Við höfum ósammála fólk í dómskerfinu eins og annarsstaðar. Við höfum Woke-fólk annarsvegar og svo íhaldsfólk hinsvegar, sem styðst við réttlæti, hefðir, og bóklærdóm aldanna. Woke-fólkið hefur verið til á öllum öldum, en verið kallað ruglað, barnalegt og einfalt. Ekki lengur, ekki eftir að sumar konur og vinstriöfgamenn, jafnaðaröfgamenn, komust til valda og þeirra barnslega trú á jafnrétti raungerðist miskunnarlaust.

Helgi Magnús var í raun að viðra það sem var umtalað í samfélaginu, en ekki að lýsa eigin fordómum, eða ef menn vilja kalla íhaldssemi fordóma, þá eru allt fordómar nema woke.

Menningarstríð er gott orð, eða andleg barátta eins og kristnir menn nota um myrkraverur Satans.

Sigríður J. Friðjónsdóttir er erkifemínisti og þarf ekki lengi að skoða störf hennar og feril til að komast að því. Vel má vera að flest í hennar störfum hafi verið unnið af sæmilegu hlutleysi, en ég minnist dómsins yfir Hlyni Frey Vigfússyni, og fólk sem fer gegn íslenzkum hagsmunum, það er víða við völd. Hún tilheyrir gömlu femínistakynslóðinni sem kom Vigdísi Finnbogadóttur til valda. Það er hún sjálf sem ætti að víkja úr embætti og þótt fyrr hefði verið. Vinsældir og uppgangur Trumps og slíkra hetja erlendis segir okkur að verið er að sópa femínistunum burtu og koma þeim á ruslahauga sögunnar, þar sem þeir eiga heima.

Margir hafa líkt femínistum við nazistana í Þýzkalandi sem voru dæmdir fyrir glæpi gegn mannkyninu.

Einhverntímann þarf að gera upp þá sögu sem femínistar skilja eftir sig, ef eitthvað mannkyn verður lifandi þegar það verður tímabært. Ef börnin fara aftur að fæðast nægilega mörg, þá verður kannski einhverja sögu að segja og einhverjar úrbætur að gera, annars ekki.

 

Helgi: Áminningin „núll og nix“

Um kveðjur, skilnaðarkveðjur og heilsanir ýmsar í ensku og íslenzku.

Ég átti ágætan afmælisdag í fyrradag. Við félagarnir ræddum mest kristileg mál, hnignandi menningu og allskyns mál ofarlega á baugi en þegar mér leiddist það talaði ég um heiðna trú og annað sem þeir tóku vel í. Góður vinur minn sem er mikill íslenzkumaður vill ekki að maður tali um að "eiga dag" því það sé enskusletta, en mér er nokk sama þegar breytingar verða á málinu sem erfitt er að stöðva. Eiríkur Rögnvaldsson hefur rétt fyrir sér með það að maður verður stundum að sætta sig við mállýti sem vaða uppi.

Hefðin á Íslandi er að tala um að njóta dagsins eða að hafa það gott í dag. Þegar við heilsum og segjum:"Góðan dag", þá er innifalið í því:"Ég óska eftir að þú upplifir góðan dag".

Enskumælandi þjóðir segja þetta að skilnaði. (Have a nice day).

"Eigðu góðan dag" er nokkuð hvimleið setning. Hún minnir á "Eigðu þig!", sem fólk sagði stundum í ýmsum tilbrigðum í reiði sinni þegar það vildi slíta samtali og vildi að einhver færi jafnvel og léti sig í friði. Íslenzka kveðjan "bless" að skilnaði er sennilega komin úr kristilegri menningu, "vertu blessaður/blessuð". Það er fallegt blessunarósk sem allir geta tileinkað sér.

Síðan er "bæ" og "bæbæ" úr ensku líka eins og allir vita. Áhugavert er að athuga þá kveðju orðsifjalega. Sennilega er hún stytting úr "good-bye", sem er svo stytting úr "God be with ye", síðla á 15. öld. Good-day og good-evening hafa síðan stytt God be with ye í good-bye samkvæmt fræðingum. Ég tek þessa skýringu góða og gilda.

"Í Óðins nafni" gæti hafa verið kveðja í Ásatrúnni fyrir kristnitökuna, stytting úr:"Ég heilsa þér í Óðins nafni". Kveðjan heill! er einnig ævaforn, og er sennilega stytting úr "Ég drekk þér heillaskál", eða stytting úr:"Heill sértú á sinni ok í hami!"

"Óðinn sé með þér!" er góð skilnaðarkveðja Ásatrúarmanna, eða:"Far þú á Óðins vegum!". Slíkt mætti stytta í "Óðinsvé!" (Stytting úr: "Á Óðins vegum").

 

 

Druslugangan ýtir undir lauslæti

Ef konur og unglingsstelpur eða jafnvel þær sem eru á þrítugsaldri og eldri almennt vilja láta kalla sig druslur og ef þær vilja ekki láta virða sig þá draga þær að sér gaurana sem vilja bara kynlíf en ekki virðingu og vinskap.

Allt svona orkar tvímælis. Þetta sendir tvíræð skilaboð.

Annars er eitt í sambandið við þetta margumtalaða bakslag sem ku vera í hinseginbaráttunn og jafnréttisbaráttunni.

Dettur þeim aldrei í hug að þetta bakslag sé vegna þess að færri íslenzkir karlmenn eru á landinu nú en fyrir 10 árum og miklu fleiri erlendir, og þá jafnvel tilheyrandi menningu þar sem kvenfyrirlitning er algeng og viðtekin?

Já, færri af norrænum uppruna og með íslenzku sem móðurmál, því hellingur hefur flúið land og annar eins eða meiri fjöldi komið inn í landið af erlendum uppruna.

Dettur þeim aldrei í hug að gömlu karlarnir hafi verið góðir við þær en ekki allir sem tilheyra framandi menningu?

Annars kemur mér ekki á óvart svona bakslag. Það er helstefna ríkjandi. Maður sér það í meiri dópneyzlu, dauðsföllum ungs fólks og fólks á öllum aldri, lækkandi meðalaldri Íslendinga, og kreppu sem sumir tala um, hækkandi matarverði og rýrnandi lífskjörum allra nema þeirra allra ríkustu þannig mætti lengi telja.

Svo má deila um hvað er bakslag.

Finna fyrir auknu mótlæti í ár

Enn um hnignun skólakerfisins

Orðið framfarir er notað hvort sem hryðjuverk eru framin eða einhverjar smávægilegar framfarir verða. Við fáum erlendar fyrirskipanir og kerfið hlýðir.

Orð eru fyrir löngu búin að missa merkingu sína í flestum eða öllum tungumálum á Vesturlöndum, því við búum við ómenningu en ekki menningu. Þessvegna er það gott ráð að taka það sem reglu að athuga með sjálfum sér hvort sannleikurinn sé ekki andstaða þess sem haldið er fram í falsfjölmiðlum nútímans.

Eitt sinn bjó mannkynið við þekkingarleysi sem stafaði af ónógum vísindum og lélegum möguleikum á rannsóknum.

Nú býr mannkynið við þekkingarleysi sem stafar af því að Elítan vill halda fólki heimsku, til að það sé þrælkað í hel, og hafi sem minnst völd. Kerfisbundinn ruglingur skilningarvitanna er afleiðingin.

Upphaflega barðist Donald Trump gegn þessu er hann var kosinn 2016. Nú hef ég grun um að hann sé orðinn innlimaður í kerfið, sem er spillt. Þó má vera að hann geri eitthvað örlítið rétt, ef hann verður aftur forseti. Ég efast stórlega um að það verði eins mikið og orð hans bera vott um, eða gjörðirnar á fyrra kjörtímabilinu.

Það má vel segja það með sanni að maður missi síður jarðtengingu ef maður athugar andstæða merkingu margs þess sem fullyrt er og haldið er fram opinberlega.

Þó verður maður að gæta þess að sumt er sannleikur sem maður les og heyrir, eða nálægt því að vera rétt, og fremur rétt en rangt.

Óli Björn í Sjálfstæðisflokknum er meðal þessara fáeinu sem ekki hafa alveg misst alla jarðtengingu. Hann er ekki slíkt fórnarlamb wokeheimsmyndarinnar sem flestir, þannig að hans heimsmynd er ekki á hvolfi.

Því er fyrirsögnin á fréttinni rétt eins og flest sem í henni kemur fram.

Maður fagnar því.

Menn verða einfaldlega að horfa til baka og spyrja sig hvar byrjaði afturförin og hversvegna. Hér einu sinni virkaði skólinn.

Þá er komið að því að ógilda vondar ákvarðanir sem skemmdu. Skóli án aðgreiningar er eitt slíkt fyrirbæri.

Þetta gamla góða er sígilt, agi í kennslustofunni og inni á heimilunum.

Sumar svokallaðar framfarir eru afturfarir. Þjóðfélagsverkfræði sem miðar að eyðileggingu þjóðfélagsins verður alltaf að vera sett fram sem eitthvað nýtt og betra, þótt það sé haugalygi og blekking. Við vitum það. Ekkert kemst í gegn nema það sé sett í jákvæð föt og glæsileg. Það sannar ekki gæði innihaldsins vel að merkja.

Um langt skeið hefur það tíðkazt hér á klakanum og annarsstaðar á Vesturlöndum að prófa ekki hugmyndir sem koma að utan, og jafnvel að efast ekki um þær, heldur taka þær hráar upp sem heilagan sannleika vegna þess að valdið kemur fram með þær, og þeir sem koma úr skólakerfinu.

Drekinn bítur í hala sinn. Skólinn útskrifar fólk, og fólkið kennir eitthvað sem á að vera rétt, en er það ekki endilega samt.

Við sjáum afleiðingar þess að efast ekki um hugmyndir sem hingað eru innleiddar. Sjálfstæðið er farið á haugana. Við lifum við kommúnískt samfélag að því leytinu til, að kerfið er orðið að heilögu fyrirbæri. Það fær líf sjálft. Embættismennirnir þrífast á því að láta báknið tútna út.

Börnin eru orðið aukaatriði, nemendurnir. Aðalatriðið er að koma með nýjar aðferðir til að sem flestir hafi atvinnu. Aðferðirnar eru svo gjarnan til að spilla fyrir og búa til ný vandamál, því ný vandamál kalla á fleiri sérfræðinga. Eins og púkinn á fjósbitanum.

Ekki er tekið mark á neinum nema þeim sem hafa tileinkað sér viðurkennt orðfæri, sem segir gjarnan ekki neitt, er innihaldslaus froða sem þó lýsir valdi, því sú froða er síbreytileg, eftir nýjum "sannleika" sem fundinn er upp. (Les:Nýrri blekkingu).

Menn hafa rætt þessi málefni í áraraðir. Ýmislegt er breytt. Eins og lesa má af þessum pistli mínum eru gagnrýnendur orðnir harðorðari, vita betur hvernig vandamálið er, og það má ekki síður lesa út úr orðum Óla Björns og fréttinni um þetta, og mörgum fleiri svona fréttum.

Á sama tíma er deyfðin orðin meiri hjá stórum hluta fólks, og ekki bara gagnvart þessum máli, vanda í skólakerfinu, heldur gagnvart flestu eða öllu.

Fylkingarnar til vinstri og hægri ógilda hver aðra. Heiftin er slík á milli þeirra að erfitt er að koma með framfarir.

Ég veit það ekki, kannski verða engar framfarir í bráð, þetta er dropi í hafið sem ég er að gefa, þessi pistill, en hann sýnir þó að ég fylgist með og læt mér annt um þetta.

Maður veit ekki hvenær framfarir verða. Þær geta komið eins og skriða, úr því að lausnir eru farnar að birtast. Einnig getur verið að afturfarir haldi áfram, ef valdastétt sem kýs stöðnun og afturfarir nær að stjórna.

Hnignun skóla staðreynd