Atvik 20. aldarinnar endurtaka sig ekki endilega á sama hátt, heldur meðal annarra þjóða, gegn öðrum þjóðum

Þær eru nokkrar firrurnar sem vaða uppi í vestrænum fjölmiðlum, eins og Donald Trump kenndi heimsbyggðinni. Ein er til dæmis sú að ekki séu til svartir menn sem vilji útrýma bleiknefjum, þótt svo sé vissulega raunin. Önnur firra í vestrænum fjölmiðlum er að konur beiti ekki ofbeldi, bara karlar. Nýleg frétt um brezka konu sem var dæmd í ævilangt fangelsi fyrir að fjöldamyrða börn og hálfdrepa önnur þannig að þau verða fötluð út ævina sýnir og sannar þó annað, að auðvitað drepa konur einsog karlar og beita ofbeldi.

Brezka konan sem var dæmd fyrir að fjöldamyrða börn nýlega heitir Lucy Letby og er hjúkrunarfræðingur og gerði þetta í vinnunni. Svona fréttum má ekki gleyma, þær minna á það sem spáð hafði verið fyrir um, að með kvenréttindum myndu konur verða eins spilltar og karlar og eins ofbeldisfullar einnig og fremja eins marga glæpi, eða fleiri.

Fréttin sem tengd er þessum pistli fjallar um alvarlega líkamsárás sem tvær ungar, íslenzkar konur urðu fyrir í Suður Afríku, báðar nemar í dönskum lýðháskóla. Í fréttinni er ekki lýsing á útliti árásaraðilans, en það vakti athygli mína að Gústaf Skúlason, fréttaritari Útvarps Sögu í Svíþjóð sagði frá því nýlega að sú hreyfing er að verða meira áberandi í Afríku að svartir menn vilji þar útrýma öllum bleiknefjum, og losna við úr sínu landi, eða heimsálfu. Minnir þetta nú einna helzt á kynþáttahyggju þá sem varð hvað hötuðust á Vesturlöndum eftir seinni heimsstyrjöldina og er enn fordæmd hér á Vesturlöndum af flestum, eða mörgum að minnsta kosti, sem beindist gegn svörtum mönnum í Ameríku og klanarar stóðu fyrir en sem beindist að gyðingum og fleiri minnihlutahópum í Þýzkalandi nazismans í seinni heimsstyrjöldinni.

Dr. Helgi Pjeturss ritaði um það í bókum sínum að viðburðabylgjan risi og hnigi í löndum á misjöfnum tíma, og hjá þjóðum og kynþáttum. Þannig væri það að þegar uppgangur væri í einum kynþætti eða hjá sumum þjóðum væri niðursveifla annarsstaðar.

Af þessu má ýmislegt læra.

Til dæmis var það svo að þegar kynþáttahyggja germanska kynstofnsins stóð sem hæst var fólksfjölgunin einna mest meðal okkar Germana, á 19. öldinni og á fyrri hluta 20. aldarinnar. Rétt eins og þetta var fyrir hrunið 2008 þá fylgir hætta slíkum gorgeir og mikilmennskubrjálæði, hvort sem það er í stórum eða smáum stíl. Alþjóðlegar reglur hafa verið settar til að halda niðri þessu þjóðernisstolti og kynþáttahyggju á Vesturlöndum, það sama gildir ekki endilega um uppgangslöndin mestu nú um stundir, fyrrverandi Þriðjaheimsríki, þróunarlöndin fyrrverandi svonefndu, en þar vex upp kynþáttahyggja sem er fylgifiskur velgengninnar þar, þrátt fyrir að barnadauði og þurrkar séu ekki með öllu horfnir frá Afríku, enda heimsálfan risastór og fjölmenn. Þó má búast við að alþjóðasamfélagið krefjist þess að svörtum rasisma og verði haldið niðri, en kannski þarf einhverja skelfilega atburði til að það verði gert, og að það verði ekki gert fyrr.

Mér finnst það sjálfsagt, eðlilegt og nauðsynlegt að norrænir menn viðurkenni kynþáttahyggju og þjóðernishyggju sem nauðsynlegan þátt lífsins, þó þannig að samskipti manna á milli gangi sem bezt. Það er hluti af sjálfsvörn tegundarinnar og kynhvötinni, að mega þannig viðhalda tegundinni. Eins og Sigmundur Davíð hefur sagt þá er bezta leiðin til að forðast öfgar og hættulega átakamenningu að vera íhaldssamur. Það sem gerðist í Þýzkalandi á millistríðsárunum var svar við anarkisma og kommúnisma sem spruttu upp um það leyti.

En það er sennilega hægt að segja að heimurinn sé allur að stefna inní meiri átakatíma en verið hafa um langt skeið, frá seinni heimsstyrjöldinni. Úkraínustríðið er til marks um það og einnig deilur Kínverja og nágrannaþjóða þeirra.

Það sem er sérkennilegt er að íslenzk ungmenni eins og norræn ungmenni eru alin upp í Disneyheimsbúbblu saklausra gilda. Á sama tíma er Íslandi ýtt útí sömu þróun og hefur verið lengi í Svíþjóð, af vinstrisinnuðum pólitíkusum og vinstrisinnuðum almenningi sem kenna þó Sjálfstæðisflokknum um allt sem fer úrskeiðis.

Ráðist á íslenskar stúlkur í Höfðaborg

Athugasemdir

[Jóhann Elíasson, 25.8.2023 kl. 09:57]

Alveg hreint stórkostleg lesning og margir sem hefðu gott af því að lesa þetta.  En því miður lesa þeir þetta EKKI, sem þyrftu virkilega á því að halda.....

[Ingólfur Sigurðsson, 25.8.2023 kl. 10:50]

Þakka þér fyrir Jóhann. Já, þetta er ástæðan fyrir því að voldugir stjórnmálamenn í Þýzkalandi þola ekki Alternative für Deutschland, veruleikinn er of sár til að hægt sé að þola hann, veruleikinn sem það fólk sjálf skapaði, sem trúði á norræna velferðarmódelið, sem á í vök að verjast vegna þess að ekki var tekið tillit til gagnrýninnar.

Raunverulegar breytingar á menningu taka talsverðan tíma. Kannski er það þetta sem Guðjón Hreinberg á við þegar hann skrifar um að það taki þrjár kynslóðir að endurnýja okkar menningarheim. Það er erfitt að sjá að það fari vel, en hver veit...

[Guðjón E. Hreinberg, 25.8.2023 kl. 16:49]

Fréttin frá Höfðaborg er sviðsett, Þess hér einnig: https://www.mbl.is/smartland/frami/2023/08/24/maelir_frekar_med_thvi_ad_flytja_utan_en_ad_giftast/.

Skoðaðu bæði myndefnið og textann og Frankfurt skóla sundrung (disruption) hrópar á þig. MBL er verri í dag en Pravda var í Sovét.