Sólveigu Önnu inná þing!

Ég hef verið tvístígandi að taka afstöðu til verkfallsins. Ég heyrði oft þær skoðanir þegar ég var yngri að verkföll væru andfélagslegar athafnir kommanna og niðurbrjótandi samfélagssáttmálann, um dugnað og skyldur. Mér finnst það enn vera satt og rétt. Hinsvegar finnst mér að ógnin sem steðjar að öllum fátæklingum á Íslandi (og ég er einn af þeim) vera svo mikil að manni beri siðferðileg skylda til að styðja Eflingu og Sólveigu Önnu í hennar baráttu sem er einnig barátta fólksins í landinu, miklu fleiri en þeirra sem eru í Eflingu.

Á meðan vinstriflokkarnir á þingi eru allir orðnir sjúkir af femínisma og wokerugli þá er Sólveig Anna í Eflingu eins og ein síðasta vonin fyrir heiðarlega verkalýðsbaráttu af gamla skólanum, augljóst réttlæti.

Málið er að verðbólgan heldur áfram hvort sem verkfall verður lengi eða ekki og laun verði mikið hækkuð hjá Eflingu eða lítið. Samt má þetta verkfall ekki standa of lengi yfir, það snýr að viðkvæmustu þáttum samfélagsins sem öllum koma við, benzín, mat og slíku, þannig að völd Eflingarforingjans eru mikil í samfélaginu. Það eru líka ytri ástæður sem efla verðbólgudrauginn, Úkraínustríðið og öll sú helstefna.

Aldrei hefur verið eins brýnt og núna að Inga Sæland komist í ríkistjórn. Sjálfstæðisflokkurinn sér um ríka fólkið, Vinstri grænir líka og Framsókn. Samfylkingin ásamt Flokki fólksins myndu gera mest fyrir fátæklingana á Íslandi. Píratar hafa sérstakar skoðanir og bara stundum til gagns fyrir fólk almennt, mjög oft virðast þeir berjast fyrir dillum fyrir örfáa.

Nú held ég að fólkið í vinstriflokkunum verði að spýta í lófana og læra af fordæmi Sólveigar Önnu í Eflingu. Á meðan verðbólgan rýkur uppúr öllu valdi er það lægst launaða fólkið sem lendir mest í kjararýrnun, og það eru miklu fleiri en Eflingarfólk í þeim hópi.

Sólveigu Önnu inná þing! Það held ég að sé slagorð framtíðarinnar, ef pólitíkusarnir standa sig ekki að gæta hagsmuna fjöldans!

Skammaðist í Sólveigu við komu á samstöðufund