Metoo byltingin er að mildast en er að færast um leið inná meginstrauminn

Edda Falak er þekkt fyrir að vera í mestu framlínu femínismans. Heimildin er vinnustaður sem ætti að vera henni að skapi, þar er fólk með mjög femínískar skoðanir, samkvæmt þeirra pistlum og efni. Þó held ég að með þessu muni hún gera hefðbundnara efni, og mildast. Málareksturinn gegn henni frá móður sem ekki er sátt hlýtur einnig að hvetja hana til að nota hófsamari nálgun, sem lærðir blaðamenn temja sér, eins og á Heimildinni, þrátt fyrir róttækar skoðanir.

"Byltingin étur börnin sín", allir þekkja þetta máltæki. Heimurinn er glataður og búinn að vera, en rétt er að sætta sig við það að konurnar hafa sigrað og munu drottna þennan stutta tíma sem er fram að heimsendi, og ástæðurnar fyrir honum margar.

Edda Falak til Heimildarinnar

Athugasemdir

[Magnús Sigurðsson, 23.2.2023 kl. 06:09]

Sæll Ingólfur, -þú ert naskur á tíðarandann. Feminsminn er kannski ekki í sjálfu sér að mildast heldur er hann að taka yfir stjórnkerfin, það sem þú kallar glataðan heim búin að vera.

Heimsendinn er þegar orðinn það breytir ekkert því og við megum eiga von á að við þessa heimsmynd, í ýmsum myndum, verði búið næstu 2000 árin eða rúmlega svo. 

Fyrir þessu var búið að spá vegna þess að stjörnuhimininn sagði svo, og svo hefur verið á rúmlega 2000 ára fresti í gegnum tíðina. Við höfðum spána hennar Völu sem  margir miskilja, en ættu ekki að gera því í upphafi segir hún, Níu man ég heima, níu íviði, mjötvið mæran fyr mold neðan.

Stjörnualmanak Majanna sagði okkur að von væri á þessari nýju heimsmynd. Og söngleikir síðustu aldar voru með skilaboð um að öld Jesus Christ Superstar væri senn á enda og öld Vatnsberans í uppsiglingu. 

Þessar stóru aldir alheimsins eru að meðaltali 2160 ár, ef ég man rétt. Sagnararfurinn okkar íslenski gefur innsýn í öldina sem var á undan Kristindómnum. Konan hefur alltaf ráðið því sem hún vill ráða, hún elur okkur strákana upp frá blautu barnsbeini.

Haltu áfram að láta ljós þitt skina Ingólfur, pistlarnir þínir eru eitt af því sem gera það þess virði að taka daginn snemma.