Að lifa í frjálsu landi og sjálfstæðu ríki verður sífellt dýrmætara í undarlegri heimi

Ég var að hlusta á þátt á Útvarpi Sögu, Arnþrúður tók viðtal við Guðrúnu Bergmann og Sigurlaugu Ragnarsdóttur. Margt hrollvekjandi kom fram í þeim þætti um faldar tölur um aukaverkanir af því sem þær segja að sé tilraunaólyfjan sem kannski og bara kannski virki í framtíðinni gegn einhverju sem þá kemur kannski upp sem önnur farsótt.

 

Það er margt undarlegt í þessu. Hvers vegna er Youtube núna að fjarlægja efni um þetta og beita refsiaðgerðum þegar talið er að faraldurinn sé í rénun?

 

Yfirleitt þegar þöggun er í gangi kemur upp orðtækið "sannleikanum er hver sárreiðastur", til dæmis. Það er margt sem vekur upp grunsemdir um að eitthvað undarlegt sé í gangi.

 

Ég vil annars ekki hvetja til eins né neins. Ég neita að taka einarða afstöðu þegar upplýsingar eru þversagnakenndar eins og í þessu máli. Það er varla réttara að trúa opinberum yfirvöldum, þau hafa áður í sögunni verið spillt og komið með rangar upplýsingar, ekki er heldur rétt að trúa öllu sem undarlegt er frá öðrum, en gefa því séns. Það er einfaldlega svo að mannréttindi, tjáningarfrelsi, lýðræði og mannréttindi eru vart lengur sjálfgefin fyrirbæri, sjálf ríkin á Vesturlöndum eru farin að ógna svona sjálfsögðum hlutum, spillingin er orðin slík, áhrif leynifélaga á bakvið tjöldin og þrýstingshópa þeirra sem hafa völd og eiga billjónir.

 

Það er gott að Framsókn vann stórsigur. Þar er fólk samróma um að styrkja eigi innlendan landbúnað, til að verjast risakreppum sem koma erlendis frá eða öðrum vandræðum, að þjóðin eigi að vera sjálfri sér nóg á erfiðleikatímum og líka þegar vel gengur. Það er mjög skynsamleg stefna.

Fjarlægja efni gegn bólusetningum

Athugasemdir

[Kristín Inga Þormar, 30.9.2021 kl. 08:39]

Þetta var frábært viðtal við þær stöllur, og sem betur fer er sannleikurinn um þennan meinta heimsfaraldur og eitursprauturnar að komast betur og betur upp á yfirborðið.

[Ingólfur Sigurðsson, 30.9.2021 kl. 13:53]

Já þetta var mjög fróðlegt viðtal. Alltaf gott að til séu fjölmiðlar sem leyfa mörgum hliðum að koma fram. Því miður vantar það í vinstrifjölmiðlana. Kannski er fólk að vakna til vitundar um að Bidenstjórnin og elítufjölmiðlarnir eru falsfréttaberendur en ekki hægrimennirnir.