Kommar og jafnaðarmenn stjórna menningarlífinu á Íslandi

Sjálfstæðismenn og aðrir hægrimenn þurfa að endurheimta menningarleg áhrif sín í landinu. Ég hef áður skrifað um þetta. Hversu oft hafa menntamálaráðherrar verið úr vinstriflokkum undanfarna áratugi eða miðjuflokkum undir hælnum á vinstriflokkum, eins og Framsókn?

 

Það er ekki allt. Nú hefur það lengi verið vitað að RÚV er kommastofnun eins og er, en á tíma Davíðs Oddssonar sem forsætisráðherra var kvartað undan sjálfstæðismönnum þar við völd af jafnaðarmönnum. Fara ekki sjálfstæðismenn fínlegar með vald sitt? Eru þeir nokkuð með stjórnmálaáróður menningarlega þótt þeir hafi ítök í menningarlífinu á ákveðnum tímaskeiðum?

 

Sem tónlistarmaður veit ég þetta af eigin reynslu. Svavar Knútur er hinn bezti maður og vinur minn, en ég átti erfitt með að spila lög um hægriöfga eða gegn femínisma á tónleikum Melodica festival, því margir fóru út þegar slíkur boðskapur heyrðist í mínum textum.

 

Þetta er lífsspursmál fyrir sjálfstæðismenn og aðra frelsisunnandi Íslendinga, að í öllu menningarlífinu séu að minnsta kosti jöfn áhrif frá hægri og vinstri, ef ekki meiri hægriáhrif.